وفاقی وزیر مراد سعید نے چیئرمین پیپلزپارٹی پر تنقید کرتے ہوئے کہا ہے کہ تاریخ میں سب کچھ درج ہے کہ کون کس کو ڈیڈی کہا کرتا تھا لیکن انکو تاریخ کا علم بھی نہیں ہے کون کس کو ڈیڈی کہتا تھا ؟

تفصیلات کے مطابق وفاقی وزیر مراد سعید نے پریس کانفرنس کرتے ہوئے کہا ہے کہ بلاول بھٹو کی پریس کانفرنس کا جواب دیا ہے۔

مراد سعید کا کہنا تھا کہ بلاول بھٹو نے پرچی کو ثبوت بنا کر اپنی سیاست کا آغاز کیا ہے اور جس کی سیاست کا آغاز پرچی سے ہوا وہ جمہوریت کیا جانے گا۔

انہوں نے کہا ہے کہ کشمیر کامسئلہ وزیراعظم عمران خان نےاجاگر کیا ہے اور اب پاکستان میں اگر کوئی بہتری کے لیے کچھ کررہا ہے تو اپوزیشن اس پر سیاست کررہی ہے۔

انہوں نے مزید کہا کہ ان لوگوں کو دکھ اس بات کا ہے مودی کے عزائم کو عمران خان بے نقاب کر رہا ہے۔

وفاقی وزیر کا کہنا ہے کہ صیح معنوں میں اگر ملک میں احتساب ہوا تو موصوف کو آکسفورڈ یونیورسٹی کی فیس بھی واپس کرنا ہو گی۔

دوسری جانب وفاقی وزیر مواصلات مراد سعید نے آج کے دن کی منسبت سے کہا ہے کہ حکومت کے 2 سال مکمل ہونے  پر تمام کارکنوں کو مبارکباد دیتا ہوں۔

مراد سعید نے کہا ہے کہ 22 سال کی جدوجہد کے بعد عوام نے مقبول ترین لیڈرکو وزیراعظم چنُا ہے۔‏