کاغذی کارروائیوں کے بجائے عملی اقدامات پر یقین رکھتے ہیں

ثمرا مظہر

27th Jul, 2020. 11:32 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کاغذی کارروائیوں کے بجائے عملی اقدامات پر یقین رکھتے ہیں

وزیراعلیٰ پنجاب عثمان بزدار کا کہنا ہے کہ پی ٹی آئی حکومت کاغذی کارروائیوں کے بجائے عملی اقدامات پر یقین رکھتی ہے، ماضی میں ترقی محض کاغذوں میں تھی جبکہ اب ترقی زمین پر نظر بھی آتی ہے۔

وزیراعلیٰ پنجاب سردار عثمان بزدار نے اپنے ایک بیان میں کہا کہ پاکستان تحریک انصاف کی حکومت یکساں ترقی کے ویژن پر بھی یقین رکھتی ہے۔

عثمان بزدار نے کہا کہ پنجاب حکومت نے پسماندہ علاقوں اور بڑے شہروں میں عوامی ضروریات کا تعین کرکے ترقیاتی منصوبے شروع کیے ہیں، جنوبی پنجاب کے پسماندہ اضلاع کو ترقی کے سفر میں یکساں اہمیت دی جارہی ہے۔

انہوں نے کہا کہ صوبائی حکومت دو برس میں متعدد اسپیشل اکنامک زون پر کام شروع کرچکی ہےاور بہت جلد بہاولپور میں اسپیشل اکنامک زون پر کا م شروع کررہی ہے۔

عثمان بزدار نے کہا کہ جنوبی پنجاب میں مدر اینڈ چائلڈ، کارڈیالوجی اور جنرل اسپتال بنارہے ہیں۔

اس کے علاوہ وزیراعلیٰ پنجاب عثمان بزدار نے مزید کہا کہ پنجاب کا کوئی شہر، کوئی قصبہ ترقی اور خوشحالی سے محروم نہیں کیا جائے گا۔