پاکستان میں اطالوی سفیر انڈریاس فیرارسی نے پاکستانیوں کو عید الاالضحی کی مبارکباد دیتے ہوئے کہا ہے کہ عیدالاضحی ایک مقدس تہوار ہے جو ہمیں قربانی کے جذبہ کی یاد دلاتا ہے۔

تفصیلات کے مطابق پاکستان میں حال ہی میں اپنی سفارتی ذمہ داریاں سنھبالنے والے نئے اطالوی سفیر انڈریاس فیرارسی نے عید الاالضحی کے حوالے سے ویڈیو پیغام جاری کیا ہے جس میں اطالوی سفیر انڈریاس فیرارسی نے پاکستانی قوم کو عیدالاضحی کی مبارکباد پیش کی ہے۔

اپنے ویڈیو پیغام میں اطالوی سفیر نے کہا کہ عیدالاضحی ایک مقدس تہوار ہے جو ہمیں قربانی کے جذبہ کی یاد دلاتا ہے یہ عید تمام مسلمانوں کی زندگیوں میں خوشیاں لے کر آئے۔

ترک سفیر کی عید الاالضحی کی مبارکباد

اطالوی سفیر انڈریاس فیرارسی نے کہا کہ اپنی اور اطالوی سفارتخانے کی جانب سے تمام پاکستانیوں کو عیدالاضحی مبارک ہو۔

قبل ازیں پاکستان میں ترک سفیر احسان مصطفی یرداکل نے عید الاالضحی کی مناسبت سے اپنا ویڈیو پیغام جاری کیا ہے جس میں ترک سفیر نے اردو زبان میں گفتگو کرتے ہوئے کہا کہ عید الاالضحی کے اس پر مسرت موقع پر میری طرف سے تمام پاکستانی بھائیوں اور بہنوں کو دلی عید مبارک ہو۔

جرمن سفارت خانے کی جانب سے عید الاالضحی کے لیے قربانی کے جانور کا تحفہ

احسان مصطفی یرداکل کا کہنا تھا کہ اس عید پر بھی سماجی فاصلے کا خاص خیال رکھیں اپنا اور اپنے گھر والوں کی خاص  حفاظت کریں۔

انہوں نے اس عزم کا اعادہ بھی کیا کہ ہم سب مل کر اس وبائی مرض کو شکست دے سکتے ہیں۔

صدر مملکت کا عید الاضحٰی کے حوالے سے پیغام

ترک سفیر نے جزبہ خیر سگالی کے طور پر پاکستان ترکی دوستی زندہ باد کا نعرہ بھی لگایا۔

یاد رہے کہ گزشتہ روز صدر مملکت ڈاکٹر عارف علوی نے عید الاضحٰی کی مناسبت سے اپنے پیغام میں کہا تھا کہ عید الاضحی کے موقع پر بازاروں اور مویشی منڈیوں میں  بھیڑ سے اجتناب کیا جائے۔

صدر عارف علوی کا کہنا تھا کہ عید الاضحٰی کے لئے بھی وہی ایس پیز ہیں جو گزشتہ عید پر تھے بزرگ حضرات سے گزارش ہے کہ وہ عید کی نماز گھر میں پڑھ لیں جیسا کہ میں بھی گھر پر عید کی نماز ادا کروں گا، عوام عید پر احتیاط کریں تو اللّٰہ تعالیٰ کے فضل اور نظم و ضبط سے محفوظ رہیں گے۔

صدر مملکت کا کہنا ہے کہ حکومتی پالیسیوں اور عوام کے نظم و ضبط سے  کورونا وباء پر کافی حد تک قابو پا لیا ہے، مزید احتیاط سے کورونا وباء کو مکمل شکست دینے میں کامیاب ہوں گے۔