ایل او سی پر شہریوں سے اظہار یکجہتی کیلئے گئے ،وزیر خارجہ

شبین رضا

04th Aug, 2020. 11:45 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ایل او سی پر شہریوں سے اظہار یکجہتی کیلئے گئے ،وزیر خارجہ

وزیر خارجہ کا کہنا ہے کہ لائن آف کنٹرول پر بھارت مسلسل سیز فائر کی خلاف ورزی کررہاہے ، ہم ایل او سی پر شہریوں سے اظہار یکجہتی کے لیے گئے اور بھارت کو یہ واضح پیغام دینا تھا کہ 5اگست کے اقدامات پوری کشمیری قوم نے مسترد کر دیے ہیں۔

تفصیلات کے مطابق شاہ محمود قریشی نے اپنے بیان میں کہا کہ دورہ مظفر آباد میں کشمیری قیادت کو اعتماد میں لیا گیا، تمام سیاسی جماعتوں کو دفتر خارجہ میں دعوت دی گئی ہے تاکہ مسئلہ کشمیر پر تمام سیاسی جماعتوں سے مشاورت کی جائے۔

وزیرخارجہ نے کہا کہ اہم معاملوں پر کابینہ کو اعتماد میں لیا جائے گا، کل پوری قوم متحد ہوکر بھارت کو ایک پیغام دے گی کہ ہمارا موقف تبدیل نہیں ہوا ہماری منزل سری نگر ہے ۔

انہوں نے کہا کہ سرینگر میں جس جامع مسجد کو تالے لگائے گئے یہ تالے ٹوٹیں گے، بھارت کا بیانیہ ناکام ہوچکا ہے،بھارت کو معلوم ہوچکا ہے مقبوضہ کشمیر کے عوام ان کےموقف کو نہیں مانتے۔

انہوں نے کہا کہ 5 اگست کے اقدامات کے بعد بھارت کا گھناؤنا چہرہ دنیا کے سامنے آیا ہے،خطے کی سلامتی مسئلہ کشمیر کے پرامن حل سے منسلک ہے ۔