لاہور: پتنگ کی ڈور سے بچے کی ہلاکت، وزیراعلیٰ پنجاب کا نوٹس

ثمرا مظہر

08th Aug, 2020. 10:16 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

لاہور: پتنگ کی ڈور سے بچے کی ہلاکت، وزیراعلیٰ پنجاب کا نوٹس

وزیرِ اعلیٰ پنجاب عثمان بزدار نے لاہور کے علاقے مالی پورہ شفیق آباد میں بند روڈ پر 5 سالہ بچے کی گلے پر پتنگ کی ڈور پھرنے سے ہلاکت کا نوٹس لے لیا۔

پولیس کا کہناہےکہ آصف نامی شخص رات گئے اپنے 5 سالہ بیٹے اصغر کو موٹرسائیکل پر لے کر نکلا تو دھاتی ڈور بچے کے گلے پر پھر گئی۔

پتنگ کی ڈور گلے پر پھرنے سے بچہ خون میں لت پت ہو گیا جو اسپتال لے جاتے ہوئے دم توڑ گیا۔

اطلاع ملنے پر تھانہ شفیق آباد کی پولیس موقع پر پہنچ گئی جس نے شواہد اکٹھے کر کے پتنگ باز کی تلاش شروع کر دی ہے۔

دوسری جانب لاہور میں ڈور پھرنے سے بچے کے جاں بحق ہونے کے واقعے پر وزیرِ اعلیٰ پنجاب سردار عثمان بزدار نے نوٹس لیتے ہوئے سی سی پی او لاہور سے رپورٹ طلب کر لی۔

وزیرِ اعلیٰ پنجاب نے غفلت کے مرتکب افراد اور ذمے داروں کے خلاف محکمانہ و قانونی کارروائی کرنے کا حکم بھی دیا ہے۔