ہنگامہ آرائی کے ذمے داروں پر مقدمہ کریں گے , نیب

ہنگامہ آرائی کے ذمے داروں پر مقدمہ کریں گے ، نیب

شبین رضا

11th Aug, 2020. 03:44 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ہنگامہ آرائی کے ذمے داروں پر مقدمہ کریں گے ، نیب

نیب حکام نے مریم نواز سمیت سینئر لیگی رہنماوں کے خلاف پتھراو کا مقدمہ درج کرانے کا فیصلہ کر لیا۔

تفصیلات کے مطابق نیب کی جانب سے ن لیگی رہنما مریم نواز کو رائیونڈ میں 180 ایکڑ اراضی کیس میں طلب کیا گیا تھا، جب مریم نواز نیب دفتر لاہور پہنچیں تو لیگی کارکنان نے ہنگامہ آرائی شروع کر دی۔

لیگی کارکنان نے پولیس پر شدید پتھراؤ کیا جبکہ بیرئیر توڑنے کی بھی کوشش کی۔

پولیس نے ہنگامہ کرنے والے کارکنان کو منتشر کرنے کیلئے لاٹھی چارج کیا اور شیلنگ کی۔

قومی احتساب بیورولاہور کی جانب سے جاری کیے گئے اعلامیے میں کہا گیا ہے کہ مریم نواز کو آج ذاتی حیثیت میں مؤقف لینے کے لیے طلب کیا گیا تھا۔

نیب حکام نے لیگی کارکنان کی ہنگامہ آرائی پر سابق وزیراعظم کی بیٹی مریم نوازکی پیشی منسوخ کر دی اور دفتر کا مرکزی دروازہ بند کروا دیا ، حکام متعلقہ تھانے میں ن لیگی کارکنان کے خلاف بھی مقدمات درج کروائیں گے۔