پاکستان کا ایٹمی طاقت بننا سب سے بڑی کامیابی ہے

شبین رضا

14th Aug, 2020. 12:24 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاکستان کا ایٹمی طاقت بننا سب سے بڑی کامیابی ہے

شہباز شریف کا کہنا ہے کہ دشمن پاکستان کی جانب میلی آنکھ سے نہیں دیکھ سکتا، پاکستان کا ایٹمی طاقت بننا سب سے بڑی کامیابی ہے۔

تفصیلات کے مطابق جشن آزادی کے حوالے سے منعقدہ تقریب سے خطاب کرتے ہوئے صدر مسلم لیگ ن اور اپوزیشن لیڈر کا کہنا تھا کہ پاکستان بہت قربانیوں کے نتیجے میں حاصل کیا گیا، وہ قومیں آزاد نہیں ہوتیں جو معاشی طور پر مضبوط نہ ہوں، آج اگر پاکستانی ایٹمی طاقت ہے تو پاکستان دوسری طرف ایک ہاتھ میں کشکول ہے۔

انھوں نے کہا کہ وقت کی ضرورت ہے کہ کشکول کوتوڑاجائے، جس طرح پاکستان ایٹمی طاقت بنا اسی طرح ہم اس کشکول کو توڑ سکتے ہیں ، آج آئی ایم ایف کا اتنا دباؤ ہے کہ رواں برس ہم تنخواہ دار طبقے کی تنخواہ نہیں بڑھا سکے۔

اپوزیشن لیڈر نے کہا کہ کورونا کی وجہ سے مہنگائی جوکم ہونی چاہیے تھی آج آسمان سے باتیں کررہی ہے، ایک دور تھا کئی کئی گھنٹے لوڈشیڈنگ ہوتی تھی مگر 2018 میں مکمل طور پر لوڈشیڈنگ ختم ہوگئی تھی، آج اگرلوڈشیڈنگ ہورہی ہےتوموجودہ حکومت کی بدترین نااہلی کی بدولت ہے۔

شہباز شریف نے اس سے قبل قومی پرچم لہرایا، اس موقع پر ن لیگ کے دیگر قائدین اور کارکنوں کی بڑی تعداد موجود تھی۔