سپریم کورٹ کو اپنے اقدامات سے صحیح طرح آگاہ نہیں کرسکے،وزیراعلیٰ سندھ

ثمرا مظہر

14th Aug, 2020. 03:47 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سپریم کورٹ کو اپنے اقدامات سے صحیح طرح آگاہ نہیں کرسکے،وزیراعلیٰ سندھ

وزیراعلیٰ سندھ مراد علی شاہ کا کہنا ہے کہ آج پوری قوم جشن آزادی منا رہی ہے، تاہم ظلم اور کورونا کی وجہ سے کشمیری آزادی کی تقریب سادگی سے منا رہے ہیں۔

تفصیلات کے مطابق مزار قائد پر حاضری دینے کے بعد میڈیا سے گفتگو کرتے ہوئے وزیراعلی سندھ نے کہا کہ صوبے میں کورونا کی ٹیسٹنگ پورے پاکستان میں سب سے زیادہ ہے، تاہم ہمیں ابھی بھی احتیاط کرنی ہے کیونکہ کورونا ابھی ختم نہیں ہوا۔

وزیراعلی نے کہا کہ ہم شاید سپریم کورٹ کو اپنے اقدامات کے حوالے سے صحیح طرح نہیں بتا سکے،2009 میں 125 ملی میٹر بارش ہوئی تو شارع فیصل پر 3 دن پانی تھا، اس مرتبہ بارش کا پانی 4 گھنٹے بھی نہیں رُکا۔

ان کا کہناتھا کہ ضلع وسطی میں ویسٹ مینجمنٹ کام نہیں کر رہا، ضلع وسطی میں ڈی ایم سی خود صفائی کرتی ہے۔

مراد علی شاہ نے کراچی کے نالوں کے حوالے سے بات کرتے ہوئےکہا کہ ہم 38 نالوں کا سروے کر کے صفائی کر رہے ہیں، نالے صاف ہو جائیں گے تو مسائل حل ہوں گے۔