بھارت کے یومِ آزادی کے آغاز کے ساتھ ہی ڈی جی آئی ایس پی آرمیجر جنرل آصف غفور نے آفیشل ٹوئٹر اکاؤنٹ کی تصویر بھی سیاہ کرلی۔

تفصیلات کے مطا بق ڈی جی آئی ایس پی آرمیجر جنرل آصف غفور نے سوشل میڈیا سائٹ ٹوئٹر پر مقبوضہ کشمیر کے ساتھ اظہار یکجہتی کرتےہوئے یومِ سیاہ کی مناسبت سے اپنی ڈی پی سیاہ کرلی۔

Pakistan observers 15 Aug 2019 as #BlackDay to awaken world conscience about India’s atrocities in Occupied Jammu & Kashmir (IOJ&K) since 1947.
On 5 Aug 19, India disregarding legal & moral ethics has turned IOJ&K into a jail. Humanity and peace abused.#15AugustBlackDay pic.twitter.com/xuZFdbPT07

— Asif Ghafoor (@peaceforchange) August 14, 2019

 انہوں نے پندرہ اگست یوم سیاہ کے ہیش ٹیگ کے ساتھ جاری کی اور لکھا کہ پاکستان بھر میں 15 اگست 2019 یومِ سیاہ کے طور پر منایا جائے گا۔ 

انہوں نے مزید لکھا کہ 1947 سے مقبوضہ کشمیر میں جاری  بھارتی مظالم کے خلاف آواز بلند کرنے کے لئے یومِ سیاہ منایا جائے گا۔

واضح رہے کہ مقبوضہ کشمیر کی عوام کے ساتھ اظہار یکجہتی کے لیے آج بھارت کے یوم آزادی کے موقع پر پاکستان سمیت دنیا بھر میں یوم سیاہ منایا جارہا ہے۔

حکومتِ پاکستان کی جانب سے مقبوضہ جموں اور کشمیر کے عوام سے اظہار یکجہتی کے لیے 14 اگست کو پاکستان کے یوم آزادی کو یوم یکجہتی کشمیر کے طور پر منانے جبکہ 15 اگست 2019  کو بھارت کے یوم آزادی کو یوم سیاہ کے طور پر منانے کا اعلان کیا تھا۔