ملک میں کورونا اموات میں کمی،صحتیاب افراد کی تعداد 2 لاکھ سے متجاوز

ثمرا مظہر

17th Aug, 2020. 11:41 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ملک میں کورونا اموات میں کمی،صحتیاب افراد کی تعداد 2 لاکھ سے متجاوز

پاکستان میں کورونا وائرس کے مصدقہ مریضوں کی تعداد 2 لاکھ 89 ہزار 214 جبکہ 6,175 مریض انتقال کرگئے۔

نیشنل کمانڈ اینڈ آپریشن سینٹر کی جانب سے جاری اعدادوشمار کے مطابق کورونا وائرس سے پاکستان کے صوبہ سندھ میں ایک لاکھ 26 ہزار 182 ، پنجاب میں 95,447 ،بلوچستان میں 12,295 خیبرپختونخواہ 35,215، گلگت بلتستان میں 2,502، اسلام آباد میں 15,390 اور آزاد کشمیر میں 2,184 مریضوں میں وائرس کی مصدقہ تصدیق ہوئی ہے۔

سندھ میں مہلک بیماری سے 2,322 پنجاب میں 2,182، خیبرپختونخوا میں 1,239، بلوچستان میں 138، اسلام آباد 173، گلگت بلتستان 61 اورآزاد کشمیر 60 اموات ہوئیں جبکہ 2 لاکھ 69 ہزار 87 افراد مہلک وبا سے مکمل طورپرصحتياب ہوچکے ہیں۔

ملک بھرمیں اب تک 22 لاکھ 99 ہزار 601 ٹیسٹ کیے جاچکے ہیں، گزشتہ 24 گھنٹوں میں کورونا کے 22 ہزار 448 ٹیسٹ کے دوران 488 نِئے کیسز رپورٹ ہونے کے ساتھ ساتھ 7 اموات ہوئیں جبکہ ملک بھرمیں اس وقت 771 مریض تشویشناک حالت میں ہیں۔

واضح رہے کہ دنیا بھرمیں پھیلنے والا جان لیوا کورونا وائرس سے 2 کروڑ 18 لاکھ 27 ہزار 495 افراد متاثر، 7 لاکھ 73 ہزار 95 افراد جان کی بازی ہارگئے جبکہ کورونا وائرس سے متاثرہ 1 کروڑ 45 لاکھ 64 ہزار 827 افراد صحت یاب ہوچکے ہیں۔