وزیراعظم کے مشیر برائے پارلیمانی امور ڈاکٹر بابر اعوان نے کہا ہے کہ جمہوریت مستحکم ہے پانچ سال پورے کریں گے۔

تفصیلات کے مطابق وزیراعظم کے مشیر برائے پارلیمانی امور ڈاکٹر بابر اعوان نے اپنے خطاب میں کہا کہ پہلی دفعہ ایسے شخص کی حکمرانی ہے جس سے چھوٹے نہیں بڑے مافیا ڈرتے ہیں۔

وزیراعظم کے مشیر برائے پارلیمانی امور نے کہا کہ اپوزیشن کا ایجنڈا چور دروزاے سے کرسی ہے جبکہ عمران خان کی وجہ دنیا میں پاکستان کے پاسپورٹ کی عزت بحال ہوئی۔

ڈاکٹر بابر اعوان نے یہ بھی کہا کہ دنیا نے دیکھا راء کا چیف اور جندال اندر تھے اور ہمارے ادارے سڑک پر ، ایک وزیراعظم وہ تھا جو مودی کو اپنے گھر لایا اور اماں کیلئے ساڑیاں تحفے میں دیں جبکہ نواز دور میں ائیرپورٹ پر مودی کی امیگریشن ہوئی نہ ویزا لینے کی ضرورت پیش آئی۔

وزیراعظم عمران خان کا ڈاکٹر بابر اعوان سے رابطہ

وزیراعظم کے مشیر برائے پارلیمانی امور کا کہنا تھا کہ اب سب ادارے ایک پیج پر ہیں جبکہ بھارت کی آنکھوں میں آنکھوں میں ڈالنے والا کوئی اور نہیں وزیراعظم عمران خان ہے۔

ڈاکٹر بابر اعوان کا یہ بھی کہنا تھا کہ عمران خان سے ٹرپل پلس این آر او مانگا جا رہا ہے ،جنہیں آدھا ملین ووٹ نہیں ملے وہ ملین مارچ کہاں سے کریں گے۔

وزیراعظم کے مشیر برائے پارلیمانی امور ڈاکٹر بابر اعوان کا مزید کہنا تھا کہ دنیا کا سب سے بڑا کھلاڑی ہمارا وزیراعظم ہے اب ملک سے کوئی کھیل نہیں چلے گا۔