وفاقی وزیر برائے توانائی عمرا ایوب نے کہا ہے کہ  ملک میں ستر فیصد توانائی درآمد کی جارہی ہے۔

تفصیلات کے مطابق وزیر توانائی عمر ایوب اور معاون خصوصی ندیم بابر نے پی ایس او پمپ پر یورو 5 فراہمی کا افتتاح کرتے ہوئے بتایا کہ ملک میں متبادل ذرائع سے پیداوار بڑھنے سے نئی انڈسٹریز لگیں گی اور جتنی توانائی درآمد  ہمارے اپنے ملک میں ہوگی اتنا ہمارے لئے بہتر ہوگا۔

عمر ایوب نے کہا کہ غیر معیار ی پٹرول ڈیزل سے ماحول پر اثرات کو کنٹرول کرنا ہوں گے ۔

ان کا کہنا تھا کہ حکومت آئی پی پیز کے شکرگزار ہیں کہ معاہدوں میں ترامیم تسلیم کی ہیں کیونکہ یہ ہمارے انرجی سیکورٹی کے لئے بہت ضروری ہیں۔

دوسری جانب معیشت کے متعلق بات کرتے ہوئے ان کا کہنا تھا کہ دو سال قبل بتایا گیا زرمبادلہ کے ذخائر ڈیڑھ سے دو ہفتے کے رہ گئی ہے لیکن پھر دنیا نے وزیراعظم  پہ اعتماد کیا اور آج وہ دن آگیا ہے جہاں سے ہم ٹیک آف کررہے ہیں۔

پٹرول بحران: تحقیقات کیلئے ایک بار پھر کمیشن تشکیل

اس ضمن میں وزیر توانائی کا کہنا تھا کہ ملک میں ریل پیل شروع ہے اور حکومتی پالیسیوں کے باعث معاشی سرگرمیوں کو فروغ مل رہا ہے۔

اس سے قبل ندیم بابر کا کہنا تھا کہ دنیا بھر میں 35فیصد آلودگی پٹرولیم مصنوعات کی وجہ سے ہوتی ہے اور سردیوں میں سانس کی بیماریاں پٹرول اور ڈیزل  سے نکلنے والے سلفر کی وجہ سے   پیدا ہوتی ہیں۔

اسی ضمن میں انہوں نے بتایا ہے کہ یکم ستمبر سے  پٹرول کی تمام درآمدات یورو5 کی ہوں گی۔

ان کا کہنا تھا کہ فیول کے معیار کو یورو2 سے یورو5 پر منتقل کرنے والی ملک کی پہلی آئل مارکیٹنگ کمپنی بن گئی ہے جس کے بعد سے اب ملک بھر کے بڑے شہروں میں پی ایس او ریٹیل آوٹ لیٹس پر یورو5 ہائی اوکٹین 97 فیول دستیاب ہوگا۔