شہبازشریف، فضل الرحمان ملاقات ، مشترکہ حکمت عملی اپنانے پر اتفاق

شبین رضا

25th Aug, 2020. 02:22 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

شہبازشریف، فضل الرحمان ملاقات ، مشترکہ حکمت عملی اپنانے پر اتفاق

شہباز شریف اورمولانا فضل الرحمان کے درمیان ملاقات میں دونوں نے مشترکہ حکمت عملی اپنانے پر اتفاق کیا ہے۔

تفصیلات کے مطابق مسلم لیگ ن کے صدر شہباز شریف کی قیادت میں مسلم لیگ ن کا وفد مولانا فضل الرحمان کی رہائش گاہ پر پہنچا، مسلم لیگ ن کے وفد میں خواجہ آصف، احسن اقبال، خواجہ سعد رفیق اور ایاز صادق شامل تھے۔

دونو ں رہنماؤں میں ہونے والی ملاقات میں آل پارٹیز کانفرنس کے انعقاد سمیت دیگر تمام متعلقہ امور پر تبادلہ خیال کیا گیا۔

شہباز شریف اور مولانا فضل الرحمان کے درمیان ہونے والی ملاقات میں اپوزیشن کو متحد کرنے کے امور پر غور کیا گیا۔

ذرائع کا کہنا ہے کہ شہباز شریف اورمولانا فضل الرحمان کے درمیان ملاقات میں اس مسئلے پر بھی غور کیا گیا کہ اپوزیشن جماعتوں کے درمیان پائے جانے والے فاصلوں کو کم کیا جائے۔

ملاقات کے بعد مشترکہ پریس کانفرنس کرتے ہوئے شہبازشریف کا کہنا تھا کہ تمام جماعتوں کو اکٹھا کرکے مشاورت کریں گے، ہم سب مل کر بیٹھ کراے پی سی بلائیں گے، اے پی سی ہوگی اور ضرور ہوگی، اس کے متعلق رہبر کمیٹی کے اجلاس میں مشاورت کریں گے۔

مولانافضل الرحمان کا کہنا تھا کہ باہمی مشاور ت سے مستقبل کا لائحہ عمل طے کریں گے، موجود ہ صورتحال کاتقاضہ ہے کہ ہم باہمی تحفظات کودور کریں۔