وفاقی وزیربرائے بحری امورعلی زیدی نے مقبوضہ وادی کی حالیہ صورتحال پربیان دیتےہوئے کہا ہے کہ کشمیر کامسئلہ زمین کا نہیں ہےبلکہ یہ ہندومذہب کی اسلام پر فتح کا معاملہ ہے۔

سامجی رابطے کی ویب سائٹ ٹویٹرپربیان دیتے ہوئےوفاقی وزیرنےکہا کہ سب کو ایک بار پھر یاد دلادوں کہ نریندرمودی موجودہ دور کا ہٹلر ہے۔

گزشتہ روزمقبوضہ کشمیرکے معاملےپر50سال بعداقوام متحدہ کی سلامتی کونسل میں اجلاس بلایا گیا۔

اقوام متحدہ ہیڈکوارٹر کےبندکمرہ اجلاس میں 15 رکن ممالک مندوبین نے شرکت کی اورمقبوضہ کشمیر کی حالیہ صورتحال کاجائزہ لیتے ہوئے شدید تشویش کااظہار کیا۔

سلامتی کونسل کی جانب سےمقبوضہ کشمیرکےمعاملےپربھارت کےاس موقف کہ کشمیربھارت کااندرونی معاملہ ہے،کی مکمل طورپرنفی کردی گئی۔

اجلاس میں موجودرکن ممالک کے مندوبین نےمقبوضہ وادی میں بھارتی جارحیت کوانسانی حقوق اور اقوام متحدہ کے چارٹرکی کھلی خلاف ورزی قرار دے دیا۔

سلامتی کونسل میں مقبوضہ کشمیرکاکیس لڑتے ہوئے پاکستانی مندوب ملیحہ لودھی نے کہا کہ پاکستان کشمیر کے مسائل کو پر امن طریقہ کار اور  مذاکرات کے ذریعے حل کرنا چاہتا ہے۔

انہوں نے کہاکہ مقبوضہ کشمیر کے مظلوم عوام کی آوازسلامتی کونسل میں سن لی گئی ہے اورمقبوضہ کشمیر سے متعلق اقدام بھارت کااندرونی معاملہ نہیں ہے، پاکستان کشمیری بہن بھائیوں کے ساتھ بھرپور انداز سے کھڑا ہے اور پاکستان نے یہ کوشش مقبوضہ جموں و کشمیر کے عوام کے لئیے کی ہےجو کہ مسئلے کے حل تک جاری رہےگی۔

 ملیحہ لودھی نے سلامتی کونسل کے اجلاس پر شکریہ ادا کرتے ہوئے کہا کہ اجلاس بلانے اور مسئلہ کشمیرکی مسلسل حمایت پر چین کے مشکور ہیں، پاکستان اقوام متحدہ کے مسئلہ کشمیرپر بلائے گئےسلامتی کونسل کے اجلاس کا خیر مقدم کرتا ہے۔