وزیراعظم عمران خان نے کہا ہے کہ بارشوں نے کراچی کے عوام کو تحاشہ مسائل سے دوچار کیا ہے جس کا وفاقی حکومت کو مکمل ادراک ہے۔

تفصیلات کے مطابق وزیراعظم عمران خان کی زیر صدارت “کراچی ٹرانسفارمیشن پلان” کے حوالے سے اعلی سطحی اجلاس ہوا جس میں کراچی کے دیرینہ مسائل کے حل کے حوالے سے جامع منصوبے “کراچی ٹرانسفارمیشن پلان” کا جائزہ لیا گیا۔

عمران خان نے کہا کہ کراچی کو صاف پانی کی فراہمی، سیوریج، سالڈ ویسٹ منیجیمنٹ، نالوں کی صفائی اور ٹرانسپورٹ کے حوالے سے بے شمار مسائل درپیش ہیں۔

وزیراعظم نے یہ بھی کہا کہ بدقسمتی سے ماضی میں ان مسائل کے  مستقل بنیادوں پر حل کو نظر انداز کیا جاتا رہا، حالیہ بارشوں نے انتظامی ڈھانچے کے مسائل کو اجاگر کیا ہے۔

عمران خان کا کہنا تھا کہ کراچی کے مسائل کی سب سے بڑی وجہ انتظامی اختیارات کا منتقسم ہونا رہا ہے اور اس امر کی بارہا وفاقی اور صوبائی حکومت کی جانب سے  نشاندہی کی جاتی رہی ہے۔

مزید پڑھیں

وزیراعظم عمران خان کا الجزیرہ ٹی وی کو انٹرویو

وزیراعظم عمران خان نے الجزیرہ ٹی وی کو انٹرویو دیتے ہوئے کہا...

وزیراعظم عمران خان کا مزید کہنا تھا کہ پلان کے تحت مختلف منصوبوں پر مقررہ ٹائم لائنز میں عمل درآمد  کو یقینی بنانے کے لئے بااخیتار اور موثر نظام تشکیل دیا جائے جبکہ واٹر سپلائی اسکیم، سیوریج ٹریٹمنٹ اینڈ ڈسپوزل، سالڈ ویسٹ منیجمنٹ اور بلڈنگ کنٹرول اتھارٹی سے متعلق  اختیارات ایک بااختیار ایڈمنسٹریٹر / لوکل گورنمنٹ کو تفویض کیے جائے۔

اجلاس میں وفاقی وزراء اسد عمر، سینئٹر شبلی فراز، سید امین الحق، سید علی حیدر، گورنر سندھ عمران اسمعیل (ویڈیو لنک)، چئیرمین این ڈی ڈ ایم اے لیفٹنٹ جنرل محمد افضل اور متعلقہ محکموں کے سیکرٹریز بھی شریک ہوئے۔