وزیر اعظم عمران خان نے کراچی کے لیے 1100ارب روپے  کے پیکج کا اعلان کردیا۔

کراچی ٹرانسفارمیشن پلان کے حوالے سے میڈیا سے گفتگو کے دوران وزیر اعظم عمران خان نے آج کے دن کو تاریخی قرار دیتے ہوئے کراچی کے لیے   1100ارب روپے  کے بڑے پیکج کا اعلان کردیا۔

وزیر اعظم کا کہنا تھا کہ  ہم  نے محسوس  کیا کہ کراچی کا مسئلہ اہم ہے اس  پر بات کرنا ضروری ہے۔کراچی میں نالے ،نکاسی آب، بےگھرافراد اور سولڈ ویسٹ  کے مسائل    ہیں۔

عمران خان نے کہا کہ  کراچی کی سڑکیں اور دیگر انفراسٹریکچر کا مسئلہ حل کرنا ضروری ہے ۔ کراچی  سرکلر ریلوے بھی  مکمل کریں گے ۔

انہوں نے کہا کہ  کسی بھی مسئلے سے نمٹنے کے لیے کوآرڈی نیشن  ضروری ہے۔

وزیر اعظم نے کہا کہ  کراچی کے لوگوں نے   مشکل وقت کا سامنا کیا ہے۔کراچی میں بارشوں سے تباہی مچ گئی ،بارشوں سے پہلے کورونا کا چیلنج تھا۔کورونا سے نمٹنے کے لیے ہم نے کمیٹی  بنائی ۔

عمران خان نے کہا کہ  ہم نے مل کر کورونا سے نمٹنے کے لیے اقدامات  کیے،اب  ہم  کراچی    کے مسائل کے حل کے لیے  بھی    مل کر کام کریں گے ۔

انہوں نے کہا کہ  بارشوں سے بلوچستان اور دیگراضلاع بھی متاثر ہوئے ہیں۔ سیلاب سے تباہ کاریاں  بلوچستان اور خیبرپختونخوا  میں بھی ہوئیں ۔

وزیر اعظم کا مزید کہنا تھا کہ ٹڈی دل کے چیلنج سے نمٹنے کےلیے بھی کمیٹی تشکیل دی گئی  ہے۔