وفاقی وزیر برائے مواصلات مراد سعید نے وزیراعظم کا شکریہ ادا کیا ہے اور کہا ہے کہ کراچی ہمیشہ سے ہی بہترین کا مستحق تھا۔

تفصیلات کے مطابق سماجی رابطے کی ویب سائٹ پر اپنے ایک پیغام میں وفاقی وزیر برائے مواصلات مراد سعید نے کہا ہے کہ کراچی کو تاریخ کا سب سے بڑا پیکج دینےکے لئے وزیراعظم کا شکریہ ادا کرتا ہوں۔

وقت کرتا ہے پرورش برسوں
حادثہ ایک دم نہیں ہوتا
برسوں کی نا اہلی کراچی کی موجودہ صورت حال کی سبب بنی۔شکریہ عمران خان کراچی کو تاریخ کا سب سے بڑا پیکج دینے کیلے،کراچی ہمیشہ سے بہترین کا مستحق تھا۔

— Murad Saeed (@MuradSaeedPTI) September 5, 2020

مراد سعید نے کہا ہے کہ صوبائی حکومت اور پچھلی حکومتوں کی نااہلی کے باعث کراچی کی موجودہ صورتحال بنی ہے۔

مزید پڑھیں

وزیر اعظم کا کراچی کیلئے 1100 ارب روپے کے پیکج کا اعلان

وزیر اعظم عمران خان نے کراچی کے لیے 1100ارب روپے  کے پیکج...

وفاقی وزیر نے اپنی پیغام میں کراچی کے لئے حکومتوں کی نااہلی پر ایک شعر بھی اپنے پیغام میں کہا ہے کہ:

وقت کرتا ہے پرورش برسوں

Advertisement

حادثہ ایک دم نہیں ہوتا

یاد رہے کہ اس سے قبل وزیر اعظم عمران خان نے آج کے دن کو تاریخی قرار دیتے ہوئے کراچی کے لیے   1100ارب روپے  کے بڑے پیکج کا اعلان کردیا۔

وزیر اعظم کا کہنا تھا کہ  ہم  نے محسوس  کیا کہ کراچی کا مسئلہ اہم ہے اس  پر بات کرنا ضروری ہے۔کراچی میں نالے ،نکاسی آب، بےگھرافراد اور سولڈ ویسٹ  کے مسائل    ہیں۔

عمران خان نے کہا کہ  کراچی کی سڑکیں اور دیگر انفراسٹریکچر کا مسئلہ حل کرنا ضروری ہے ۔ کراچی  سرکلر ریلوے بھی  مکمل کریں گے ۔

انہوں نے کہا کہ  کسی بھی مسئلے سے نمٹنے کے لیے کوآرڈی نیشن  ضروری ہے۔