کراچی میں مرحلہ وار ترقیاتی کاموں کا جلد آغاز ہوگا، خرم شیر زمان

کفیل احمد

09th Sep, 2020. 04:10 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کراچی میں مرحلہ وار ترقیاتی کاموں کا جلد آغاز ہوگا، خرم شیر زمان

پاکستان تحریک انصاف (پی ٹی آئی )کے رہنما خرم شیرزمان کا کہنا ہے کہ کراچی میں مرحلہ وار ترقیاتی کاموں کا جلد آغاز ہوگا۔

انصاف ہاؤس کراچی میں پریس کانفرنس کرتے ہوئے خرم شیرزمان نے کہا کہ پیپلز پارٹی نے اپنے گیارہ سالہ دور اقتدار میں سوائے کرپشن کے کچھ نہیں کیا ۔ پیپلز پارٹی روٹی کپڑا مکان کے اپنے ہی نعرے میں بری طرح ناکام ہوچکی ہے ۔

پی ٹی آئی رہنما نے کہا کہ اب صوبائی حکومت کی نظر کراچی پیکج پر ہے ، وفاق پورے گیارہ سو ارب اپنے ہاتھ میں ہی رکھے گی ، پیپلز پارٹی کے کرپشن کے کوئی چانسز نہیں ہیں۔

انہوں نے کراچی پیکچ کا بریک اپ پلان سب کے سامنے رکھتے ہوئے بتایا کہ بحریہ ٹاؤن کے 125 ارب روپے شہر کی ترقی میں لگنے ہے ، جبکہ تین سو ارب روپے کے سی آر پر خرچ ہوں گے۔

خرم شیر زمان نے کہا کہ وفاق ساڑھے تین سو ارب جبکہ جو پیسہ بچ رہا ہے وہ حکومت سندھ کراچی پیکج کے تحت شہر پر خرچ کرے گی ۔

پی ٹی آئی رہنما نے مزید کہا کہ شہر کی ترقی کے لیے اب ہم سندھ سولڈ ویسٹ منجمنٹ اور سندھ بلڈنگ کنٹرول اتھارٹی کو سندھ سے بدل کر کراچی میں تبدیل کر رہے ہیں ۔

انہوں نے کہا کہ ہم چاہتے ہیں آنے والا میئر پورے اختیارات کے ساتھ آئے ، جس کےلیے ہم نے بل بھی پیش کر رکھا ہے ،ہم چاہتے ہیں حکومت سندھ بھی اس میں ہمارا ساتھ دے ۔