لاہور موٹر وے زیادتی کیس میں اہم پیشرفت سامنے آئی ہے اور ملزم وقار کے سالے عباس نے بھی پولیس کو گرفتاری دیدی ہے۔
ذرائع کے مطابق عباس نے شیخوپورہ میں خود کو پولیس کے حوالے کیا، عباس ملزم وقار کے نام پر جاری موبائل سم استعمال کر رہا تھا۔
خیال رہے کہ گزشتہ روز موٹروے زیادتی کیس میں نامزد ملزم وقار الحسن نے سی آئی اے ماڈل ٹاؤن لاہور میں خود اپنی گرفتاری پیش کی اور پولیس کو بتایا کہ اس کا موٹر وے زیادتی کیس سے کوئی تعلق نہیں ہے۔
گرفتاری کے بعد نامزد ملزم وقاراپنے بیان میں کہا تھا کہ وقوعہ کے روز استعمال ہونے والی سم میرے سالے عباس کے پاس ہے اور وہ بھی جلد گرفتاری دے گا۔
پولیس حکام کا کہنا ہے کہ مرکزی ملزم عابد کا بہنوئی اور تین رشتے دار پولیس حراست میں ہیں جن سے ملزمان کے حوالے سے تفتیش کی جا رہی ہے۔
Advertisement
دوسری جانب پولیس نے شفقت کی گرفتاری کے لیے ٹیمیں بہاولنگراورشیخوپورہ روانہ کر دی ہیں۔
پولیس حکام نے واٹس ایپ کے ذریعے ملزم وقارالحسن کی ویڈیو متاثرہ خاتون کو بھیجی تو خاتون نے بھی ملزم وقار کی شناخت سے انکار کرتے ہوئے کہا ہے کہ وقار واقعے میں شامل نہیں تھا۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
