مروہ زیادتی و قتل کیس میں ملزمان کا جسمانی ریمانڈ منظور

ثمرا مظہر

15th Sep, 2020. 04:27 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

مروہ زیادتی و قتل کیس میں ملزمان کا جسمانی ریمانڈ منظور

کراچی کی انسدادِ دہشت گردی عدالت 5 سالہ مروہ سے زیادتی اور قتل کیس میں ملوث 3 ملزمان کو11 روز کیلئے جسمانی ریمانڈ پر پولیس کے حوالے کر دیا۔

تفصیلات کے مطابق بچی سے زیادتی اور قتل کیس میں گرفتار ملزمان عبد اللّٰہ اور فیض کواے ٹی سی کے منتظم جج کے سامنے پیش کیا گیا۔

کمرہ عدالت میں تفتیشی افسر نے بتایا کہ ملزم نواز کے خلاف کوئی شواہد نہیں ملے تاہم ملزم کو بے گناہ قرار دیا گیا ہے اور رہا کیا جا رہا ہے۔

اس موقع پر استغاثہ کے وکیل نے اعتراض کیا کہ جب تک کیس کی تحقیقات مکمل نہیں ہو جاتیں، چالان جمع نہیں ہو جاتا، ملزم نواز کوکسی صورت رہا نہیں کیا جا سکتا۔

اے ٹی سی نے تفتیشی افسر کی رپورٹ مسترد کردی اورملزم نواز کو فوری عدالت میں پیش کرنے کا حکم دے دیا جس کے بعد ملزم کوعدالت میں پیش کر دیا گیا۔

بعد ازاں اے ٹی سی نے تینوں ملزمان کو 26 ستمبر تک جسمانی ریمانڈ پر پولیس کے حوالے کر دیا۔