شہباز شریف استعفی دیں، فیاض چوہان

ثمرا مظہر

16th Sep, 2020. 11:07 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

شہباز شریف استعفی دیں، فیاض چوہان

وزیرِ اطلاعات پنجاب فیاض الحسن چوہان نے مسلم لیگ نون کے صدر و قومی اسمبلی میں اپوزیشن لیڈر شہباز شریف سے استعفی دینے کا مطالبہ کر دیا۔

تفصیلات کے مطابق فیاض الحسن چوہان کا ایک بیان میں کہناہے کہ زیادتی کیس پر شہباز شریف کو مثبت مؤقف کے ذریعے قوم کی نمائندگی کرنی چاہیے تھی، اس کے برعکس انہوں نے اپنی دروغ گوئی، کم عقلی اور بے سروپا بیان سے قوم کو مایوس کیا ہے، لاہور سیالکوٹ موٹر وے کا جھوٹا کریڈٹ لینے پر شہباز شریف کو شرم سے ڈوب مرنا چاہیے۔

صوبائی وزیر نے کہا کہ شہباز شریف اپنے بیان کی وجہ سے سی سی پی او لاہور کی پوزیشن پر کھڑے ہیں، اپنے تمسخرانہ بیان سے شہباز شریف نے متاثرہ خاندان اور پوری قوم کا دل دکھایا۔

فیاض چوہان کا کہنا تھا کہ لاہور سیالکوٹ موٹر وے پرویز الہٰی کی وزارتِ اعلیٰ کے دوران شروع کی گئی، فرانزک سائنس لیبارٹری کی داغ بیل بھی 2007ء میں چوہدری پرویز الہٰی نے ڈالی۔

انہوں نے اپنے بیان میں مطالبہ کیا کہ شہباز شریف فوری طور پر مستعفی ہوجائیں۔