پارلیمنٹ کا مشترکہ اجلاس آج ہوگا

شبین رضا

16th Sep, 2020. 11:53 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پارلیمنٹ کا مشترکہ اجلاس آج ہوگا

صدر مملکت نے پارلیمنٹ کا مشترکہ اجلاس آج طلب کر لیا جوکہ آج سہ پہر 4 بجے اسلام آباد میں ہوگا۔

تفصیلات کے مطابق صدر مملکت ڈاکٹر عارف علوی نے پارلیمنٹ کا مشترکہ اجلاس آئین کے آرٹیکل 54 کی شق 1 کے تحت طلب کیا ہے، جس میں ایف اے ٹی ایف سمیت اہم بلز پیش کیے جائیں گے۔

ذرائع کے مطابق انسداد منی لانڈرنگ دوسرا ترمیمی بل اور دارالخلافہ وقف املاک بل 2020 منظوری کیلئے پارلیمان کے مشترکہ اجلاس میں پیش کیے جائیں گے۔

قومی اسمبلی سے منظوری کے بعد اپوزیشن کے اعتراضات کے بعد سینیٹ نے یہ دونوں بلوں مسترد کر دیئے تھے۔

اس کے علاوہ اجلاس میں صدر، وزیر اعظم کی تنخواہوں اور مراعات کے دو ترمیمی بل بھی پیش کیے جائیں گے۔

واضح رہےکہ پارلیمنٹ کے مشترکہ اجلاس سے قبل قومی اسمبلی کا اجلاس بھی ہو گا جبکہ وزیر اعظم عمران خان نے اتحادی جماعتوں کی پارلیمانی پارٹی کا اجلاس بھی طلب کر رکھا ہے۔