پاکستان میں برطانیہ کے ہائی کمشنرکرسچین ٹرنر نے کہا ہے کہ وہ کوشش کر رہے ہیں برطانوی کرکٹ ٹیم جلد پاکستان کا دورہ کرے۔
تفصیلات کے مطابق اپنے ایک انٹرویو کے دوران برطانوی ہائی کمشنرکا کہنا تھا کہ پاکستان کورونا سے بہت اچھے طریقے سے نمٹا، معیشت میں بھی بہتری آرہی ہے، برطانیہ سمیت دیگر ممالک کو کورونا سے متعلق پاکستان سے سیکھنا چاہیے۔
کرسچین ٹرنرکا کہنا تھا کورونا وائرس کے خلاف پاکستان کا زبردست کرداررہا، پاکستان نے چھکا لگا کر کورونا وباء کو شکست دی۔
انہوں نے بتایا کہ میں نے نیشنل کمانڈ اینڈ کنٹرول سینٹر کا دورہ کیا تھا، این سی او سی نے کورونا کنٹرول کرنے میں اہم کردار ادا کیا ہے۔
انٹرویو کے دوران دونوں ملکوں کے درمیان کرکٹ سیریز کے سوال پر برطانوی ہائی کمشنر نے اردو میں کہا کہ مجھے امید ہے بہت جلد پاکستان اور برطانیہ کی کرکٹ سیریز پاکستان میں شروع ہوگی، وہ کوشش کر رہے ہیں کہ برطانوی کرکٹ ٹیم جلد پاکستان کا دورہ کرے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
