وزیراعظم عمران خان نے کہا ہے کہ پوری قوم اپنے اداروں کے ساتھ کھڑی ہے۔

تفصیلات کے مطابق وزیراعظم عمران خان سے مشیر پارلیمانی امور بابراعوان کی ملاقات ہوئی جس میں ملکی تازہ سیاسی صورت حال حکومتی امور اور نئی قانون سازی پر مشاورت کی گئی جبکہ گزشتہ روز ہونے والی اپوزیشن جماعتوں کی اے پی سی پر بھی گفتگو کی گئی۔

ملاقات میں بابر اعوان نے کہا کہ نیب اور تحقیقاتی اداروں کو مطلوب افراد کی کانفرنس تھی جبکہ اے پی سی میں پوری اپوزیشن قوم کے سامنے بے نقاب ہوئی ہے۔

مشیر پارلیمانی امور بابر اعوان نے مزید کہا کہ نواز شریف کی تقریر مجھے کیوں نکالا کا پارٹ ٹو تھی جبکہ تقریر کے ذریعے ان کی اصلیت پوری قوم کے سامنے آئی۔

 وزیراعظم عمران خان نے بابراعوان سے ملاقات میں کہا کہ قومی ادارے قابل احترام ہیں ، ادارے ایک پیج پر اور ملک کے اتحاد کی ضمانت ہیں جبکہ پوری قوم اپنے اداروں کے ساتھ کھڑی ہے۔

واضح رہےا س سے قبل ایف اے ٹی ایف اور ملکی امور سے متعلق اہم ترین قانون سازی کا معاملے پر وزیراعظم عمران خان نے مشیر پارلیمانی امور ڈاکٹر بابر اعوان سے رابطہ کیا تھا۔

مزید پڑھیں

پوری قوم اپنے اداروں کے ساتھ کھڑی ہے، وزیراعظم

وزیراعظم عمران خان نے کہا ہے کہ پوری قوم اپنے اداروں کے...

وزیراعظم عمران خان نے مشیر پارلیمانی امور ڈاکٹر بابر اعوان سے رابطہ میں اہم قانون سازی سے متعلق امور پر مشاورت کی گئی تھی۔

بابر اعوان نے کہا تھا کہ قانون سازی حکومت اور اپوزیشن کی مشترکہ ذمہ داری ہے، پارلیمنٹ قومی سلامتی سے متعلق کل تاریخی قانون سازی کرے گی۔

وزیراعظم عمران خان نے کہا تھا کہ اہم امور پر قانون سازی کا عمل جاری رکھا جائے، ملکی سلامتی سے متعلق قانون سازی میں تاخیر نہیں ہونے دیں گے۔