چینی سفیر یاوجنگ کی وزیراعظم عمران خان سے الوداعی ملاقات ہوئی ہے جس میں وزیراعظم نے پاک چین تعلقات کی بہتری میں چینی سفیر کے کردار کو سراہا ہے۔

اس دوران وزیراعظم نے چینی قیادت کے اپنی عوام کے لیے خدمات کو سراہتے ہوئے کہنا تھا کہ پاکستانی عوام چینی صدر کے دورہ پاکستان کے منتظر ہیں۔

انہوں نے واضح کیا ہے کہ سی پیک خطے میں ترقی اور استحکام کے لیے کردار ادا کرے گا۔

ان کا کہنا تھا کہ چین کی سماجی و معاشی ترقی میں چینی قیادت کا اہم کردار ہے اس لئے پاکستان میں غربت کے خاتمے اور معاشی ترقی کے لیے بیجنگ سے سیکھا جاسکتا ہے۔

وزیراعظم کا کہنا تھا کہ چینی سفیر کے دور میں سی پیک کا دوسرا فیز یعنی صنعتکاری، ذراعت اور معاشی و سماجی ترقی کا دور شروع ہوچکا ہے۔

چینی سفیر کا وزیراعظم عمران خان سے تشکر کا اظہار کرتے ہوئے کہنا تھا کہ وزیراعظم عمران خان نے دونوں ممالک کے تعلقات کی بہتری کے لیے اہم کردار ادا کیا ہے اس لئے چینی قیادت وزیراعظم عمران خان کی خدمات کو قدر کی نگاہ سے دیکھتی ہے۔

یاؤ جنگ کا کہنا تھا کہ وزیراعظم عمران خان کا وژن پاکستان میں تبدیلی اور غربت کے خاتمے کا وژن ہے۔

اس ضمن میں چینی سفیر کا کہنا تھا کہ چین پاکستان کی ترقی اور مقاصد کے لیے اس کی حمایت جاری رکھے گا

ان کا کہنا تھا کہ کوویڈ 19 کے دوران پاکستان کے اسمارٹ لاک ڈاؤن کی پالیسی کو دنیا نے سراہا اور اس پالیسی کو ممکنہ دوسرے فیز میں اسے ماڈل کے طور پر استعمال کیا جائے گا۔

انہوں نے مزید کہا ہے کہ میری پاکستان سے بہت اچھی یادیں وابستہ ہیں اور خواہش ہے کہ پاکستان چین تعلقات مزید مضبوط ہوں۔

وزیراعظم نے چینی سفیر کی پاک چین تعلقات کے لئے خدمات کو سراہا گیا ہے جطبکہ وزیراعظم کی جانب سے چینی سفیر کے لیے نیک خواہشات کا بھی اظہار کیا گیا ہے۔

یاد رہے کہ یاؤ جنگ اکتوبر 2017 سے ستمبر 2020 تک پاکستان میں چین کے سفیر رہے ہیں۔