حالیہ ہفتے کے دوران بھی چینی کی قیمتوں سمیت ٹماٹر، پیازاوردالوں سمیت 22 اشیائے ضروریہ کی قیمتوں میں اضافہ ہوا ہے ۔
ادارہ شماریات کی مہنگائی پر ہفتہ وار رپورٹ کے مطابق ایک ہفتے میں ملک میں ٹماٹر کی اوسط قیمت میں 9 روپے فی کلو اضافہ ہونے کے بعد ٹماٹر کی قیمت 100 روپے فی کلو سے تجاوز کرگئی ہے۔
رپورٹ کے مطابق ملک میں چینی کی قیمت میں بھی اضافہ جاری اور ایک ہفتے کے دوران چینی کی اوسط قیمت ایک روپے 57 پیسے فی کلو بڑھ گئی جس کے بعد چینی کی قیمت 94.72 سے بڑھ کر 96.29 روپے فی کلو ہو گئی ہے۔ بکرے کا گوشت بھی 7 روپے فی کلو مہنگا ہوا ہے۔
ادارہ شماریات کے مطابق ایک ہفتے میں پیاز کی قیمت میں 5 روپے فی کلو کا اضافہ ہوا جبکہ دال مسور، دال ماش، دال چنا، باسمتی چاول، انڈے، خوردنی گھی اور آٹے کی قیمت میں بھی اضافہ ہوا۔
ایک ہفتے کے دوران 8 اشیاء کی قیمتوں میں کمی بھی ہوئی، برائلر مرغی کی قیمت میں 9 روپے فی کلو کمی ہوئی جب کہ کیلے 3 روپے فی درجن اور آلو 2 روپے فی کلو سستے ہوئے۔
Advertisement
رپورٹ کے مطابق ایک ہفتے میں 21 اشیائے ضروریہ کی قیمتوں میں استحکام بھی رہا
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
