پاکستان پیپلز پارٹی کے رہنما اور صوبائی وزیر برائے تعلیم سعید غنی نے پارٹی کی جانب سے 4 اکتوبر کو کراچی میں ریلی نکالنے کا اعلان کیا گیا ہے۔

تفصیلات کے مطابق صوبائی وزیر سعید غنی نے پریس کانفرنس سے خطاب کرتے ہوئے کہا کہ کراچی سے لسانیت کی سیاست ختم ہوگئی تھی لیکن اب دوبارہ کچھ سازشی عناصر اس کو پروان چڑھانا چاہتے ہیں اور ہماری ان سازشو ں کے خلاف ریلی ہوگی۔

انہوں نے کہا کہ پیپلزپارٹی نے ایف بی ایر یا میں جلسہ کیا تھا، جس کے بعد ایم کیو ایم نے یہ تاثر دیا تھا کہ یہ ہمارے خلاف پروپیگنڈا کیا گیا ہے۔

انہوں نے کہا کہ پاکستان پیپلز پارٹی کی جانب سے 4 اکتوبر کو منعقد کی جانے والی اس ریلی کو کراچی یکجہتی ریلی کا نام دیا گیا ہے۔

انہوں نے کہا کہ ہم وزیر اعظم کے اس بیانئے کی مذمت کرتے ہیں، جس میں انہوں نے کہا تھا کہ اندرون سندھ سے لوگ جیت کر کراچی پر حکمرانی کرتے ہیں، ہمارے نااہل وزیراعظم صوبہ سندھ میں لسانیت کی سیاست کو پروان چڑھا رہے ہیں جبکہ صوبہ سندھ کے لوگوں میں تقسیم اور نفرت پیدا کی جارہی ہے۔

سعید غنی کا کہنا تھا کہ سانحہ بلدیہ میں نظر ثانی کی درخواست کا سوچ رہے ہیں، جماعت اسلامی سے کچھ چیزوں پر بات چیت ہو سکتی ہے اور اگر فیر اینڈ فیری الیکشن ہوئے تو اس بار میئر کراچی پیپلزپارٹی کا ہوگا۔