عمران خان کو صرف اپوزیشن کی بدعنوانی نظر آتی ہے، رانا ثنا اللہ

ثمرا مظہر

03rd Oct, 2020. 11:41 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

عمران خان کو صرف اپوزیشن کی بدعنوانی نظر آتی ہے، رانا ثنا اللہ

مسلم لیگ ن کے رہنما رانا ثنا اللہ نے وزیراعظم کو تنقید کا نشانہ بناتے ہوئے کہا ہے کہ عمران خان کو صرف اپوزیشن کی بدعنوانی نظر آتی ہے، حکومت میں کرپٹ لوگ موجود ہیں اور حکومت کس کو بے نقاب کر رہی ہے ؟

لاہور میں میڈیا سے بات کرتے ہوئے رانا ثنا اللہ نے کہا کہ حکومت خود تو لوٹ مار میں مصروف ہے۔ حکومت کی جانب سے ظلم اور زیادتی، نا انصافی 15 ماہ سے جاری ہے۔

رانا ثنا کا کہناتھا کہ پی ڈی ایم حکومتی مظالم کےخلاف خاموش نہیں رہے گی۔ انہوں نے کہا کہ میرے خلاف بے بنیاد مقدمات بنائے گئے ہیں اور میری جائیداد ضبط کی گئی ہے۔ میرے اہلخانہ کے اکاؤنٹس بھی ڈیڑھ سال سے منجمد ہیں۔

انہوں نے کہا کہ ایک سال سے زائد ہوچکا ہے میرے خلاف کیس پر کام ہی نہیں ہو رہا۔ یہ چاہتے ہیں کہ حزب اختلاف اور ادارے دست و گریبان ہو جائیں۔ یہ ظلم کرتے جا رہے ہیں اور میرے خاندان کے شناختی کارڈ 2 سال سے بلاک ہیں۔