وزیراعظم کا صدر پی ٹی آئی گلگت بلتستان کے انتقال پر اظہار افسوس

وریشہ مسعود

12th Oct, 2020. 12:06 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وزیراعظم کا صدر پی ٹی آئی گلگت بلتستان کے انتقال پر اظہار افسوس

وزیراعظم عمران خان نے صدر پی ٹی آئی گلگت بلتستان سید جعفر شاہ کے انتقال پر اظہار افسوس کیا ہے۔

تصیلات کے مطابق گلگت، بلتستان سے تعلق رکھنے والے تحریک انصاف کے صوبائی صدر جعفر شاہ کے انتقال پر وزیراعظم عمران خان نے انتقال پر افسوس کا اظہار کرتے ہوئے کہا ہے کہ مرحوم پارٹی کا اثاثہ تھے۔

عمران خان نے اپنے تعزیتی بیان میں گلگت بلتستان کے صوبائی صدر جعفر شاہ کے انتقال پر اہل خانہ سے تعزیت کرتے ہوئے مرحوم کی مغفرت، درجات کی بلندی کے لیے دعا کی۔

اپنے بیان میں وزیراعظم عمران خان نے کہا کہ جعفر شاہ پارٹی کا اثاثہ تھے، وہ کافی عرصے سے تحریک انصاف کے لیے متحرک کردار ادا کررہے تھے۔

یاد رہے اس سے قبل پاکستان تحریک انصاف گلگت بلتستان کے صوبائی صدر جسٹس( ر) سید جعفر شاہ صاحب اسلام آباد میں انتقال کر گئے تحے۔

ذرائع کا کہنا ہے کہ جسٹس (ر)سید جعفر شاہ گزشتہ کچھ عرصے سے شدید علیل تھے، مرحوم کو علاج کیلئے اسلام آباد ریفر کیا گیا تھا جہاں انتقال کرگئے۔

ذرائع کا مزید کہنا ہے کہ مرحوم کی جسد خاکی آج اسلام آباد سے گلگت روانہ کی جائے گی۔

واضح رہے کہ سید جعفرشاہ گلگت قانون ساز اسمبلی کے الیکشن حلقہ 3 سے امیدوار بھی تھے اور وہ پی ٹی آئی گلگت بلتستان میں اہم پارٹی امور سر انجام دے رہے تھے۔