پاکستان کرکٹ بورڈ (پی سی بی) نے بائیو سیکیور ببل کی خلاف ورزی کرنے والوں کو انتباہ  جاری کردیا۔

تفصیلات کے مطابق پاکستان کرکٹ بورڈ نے بآ ور کردیا  ہے کہ وہ کسی کھلاڑی اور میچ آفیشلز کو بائیو سیکیور ببل میں موجود دیگر شرکاء کی صحت کو خطرے میں ڈالنے کی اجازت نہیں دے گا ۔

پی سی بی کی جانب سے آئندہ بائیو سیکیور ببل کی خلاف ورزی کی صورت میں ٹورنامنٹ سے نکالنے کا انتباہ جاری کردیا  گیا ہے۔

PCB issues warning following bio-secure breacheshttps://t.co/qTc40n1WTR pic.twitter.com/C3h2OwGt8E

Advertisement

— PCB Media (@TheRealPCBMedia) October 16, 2020

ڈائریکٹر ڈومیسٹک ہائی پرفارمنس سینٹر  ندیم خان کا کہنا ہے کہ نیشنل ٹی ٹوئنٹی کپ کے دوران چند سینئر کھلاڑیوں اور آفیشلز کی جانب سے بائیو سیکیور ببل کی خلاف ورزی کیے جانے پر پی سی بی کو مایوسی ہوئی ہے۔

ندیم خان نے کہا کہ ایسا کرنے سے انہوں نےٹورنامنٹ کی ساکھ  اور  بائیو سیکیور ببل میں موجود اپنے ساتھیوں  کی صحت کو خطرے میں ڈالا  ہے۔

انہوں نے مزید کہا کہ یہ قطعاََ قابل قبول نہیں ہے، متعلقہ کھلاڑیوں اور آفیشلز سے ملاقاتوں کے بعد یہ بآور کردیا گیا ہےکہ مستقبل میں بائیو سیکیور ماحول کی خلاف ورزی برداشت نہیں کی جائے گی اور اگر ایسا ہوا تواس فرد کو موجودہ اور آئندہ کھیلے جانے والے ٹورنامنٹس سے نکال دیا جائے گا۔

ندیم خان نے  کہا کہ ملک میں انٹرنیشنل کرکٹ کا آغاز ہونے کو ہے، دنیا ہمیں دیکھ  رہی ہے لہٰذا وہ توقع کرتے ہیں کھلاڑی اور آفیشلز ذمہ داری کا مظاہرہ کریں گے کیونکہ  یہ غیر ذمہ دارانہ اقدامات  کوویڈ19 کی مشکل صورتحال میں پی سی بی کی کوششوں کو  خطرے میں ڈال سکتی ہے۔

انہوں نے کہا کہ نو کھلاڑیوں اور تین آفیشلزنےمقررہ ٹیم ہوٹل میں رہتے ہوئے ببل کی خلاف ورزی کی تھی، اطلاع موصول ہوتے ہی منتظمین نے رات کو ان تمام افراد کے کوویڈ19 ٹیسٹ کروائے، جس کے نتائج منفی آئے ہیں۔ ان ٹیسٹ کے اخراجات انہی افراد نے اٹھائے  ہیں۔