وزیراعظم عمران خان کل میانوالی کا ایک روزہ دورہ کریں گے۔
ذرائع کے مطابق وزیراعظم عمران خان کل صبح ساڑھے گیارہ بجے بنی گالہ سے میانوالی کا ایک روزہ دورہ کریں گے۔
ذرائع کا کہنا ہے کہ وزیر اعظم عمران خان براہ راست عیسیٰ خیل کیڈٹ کالج کوٹ چاندنہ پہنچیں گے جبکہ کئی پارٹی قائدین بھی وزیر اعظم کے ہمراہ میانوالی جائیں گے۔
ذرائع کا یہ بھی کہنا ہے کہ وزیراعظم عمران خان چاپری میں منی ڈیم کاسنگ بنیاد رکھیں گے جبکہ وزیر اعظم “خٹک بیلٹ” میں صاف پانی کے پہلے منصوبے کا افتتاح کریں گے اور پانچ ارب روپے مالیت کے منصوبے سے خٹک بیلٹ میانوالی کے ایک لاکھ افراد مستفید ہوں گے۔
ذرائع کے مطابق میانوالی سے عیسیٰ خیل کے راستے خٹک بیلٹ لوگ پینے کے پانی سے محروم تھے، منی ڈیم سے پائپوں کے ذریعے پانی خٹک بیلٹ تک پہنچایا جائے گا۔
Advertisement
ذرائع کا کہنا ہے کہ وزیر اعظم عمران خان کے دورہ میانوالی کو حتمی شکل دیدی گئی جبکہ وزیراعلی پنجاب عثمان بزدار اور اہم حکومتی شخصیات بھی میانوالی پہنچیں گی۔
ذرائع کا مزید کہنا ہے کہ وزیراعظم مقامی پارٹی قیادت سے ملاقاتین بھی کریں گے جبکہ وزیراعلیٰ پنجاب عثمان بزدار وزیراعظم کو ترقیاتی منصوبوں بارے بریفنگ دیں گے اور وزیراعظم کل شام کو ہی میانوالی سے واپس پہنچیں گے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
