عالمی شہرت یا فتہ پاکستانی نژاد برطانوی باکسر عامر خان نے اپنے حا لیہ ایل او سی کے دورے کے دوران کشمیری چائے کو عمدہ چائے قرار دے دیا ہے۔

ڈی جی آئی ایس پی آر میجر جنرل آصف غفور نے باکسر عامر خان کے ایل او سی دورے کا شکریہ ادا کرتے ہو ئے سماجی رابطے کی ویب سائٹ ٹوئٹر پر ایک ویڈیو شیئر کی جس میں عامر خان نے ہاتھ میں ایک چائے کا کپ پکڑا ہوا ہے اور وہ چا ئے پیتے ہوئے ’کشمیری چائے، فنٹاسٹک چائے‘ کہہ رہے ہیں۔

ڈی جی آئی ایس پی آر نے  ویڈیو کے کیپشن میں’چائے بہت عمدہ ہے‘ بھی لکھا اور یہ شیئر کر دیا جو کہ سو شل میڈیا میں وا ئرل ہو رہی ہے۔

Many thanks @amirkingkhan
Tea is fantastic. pic.twitter.com/kdELd55nri

Advertisement

— Asif Ghafoor (@peaceforchange) August 27, 2019

واضح رہے کہ با کسر عا مر خان نے  27 اگست کو کشمیریو ں کے ساتھ اظہا ر یکجہتی کر تے ہوئےایل او سی کا دورہ کیا ہے۔

اس دورے کے دوران عامرخان کا کہنا تھا کہ برطانیہ میں بیٹھ کر مقبوضہ کشمیر کی صورتحال کو صرف ٹیلی ویژن پر دیکھا ہے، مقبوضہ وادی کو دیکھ کر محسوس کیا کہ کشمیریوں پر شدید نوعیت کے مظالم ڈھائے جا رہے ہیں۔

یا د رہے کہ رواں سا ل فروری کے مہینے میں پاک فضائیہ کے شیردل جوانوں نے پاکستانی حدود کی خلاف ورزی کرنے والے دو بھارتی جہازوں کو تباہ کردیا تھا جس کے نتیجے میں ایک بھارتی پائلٹ ابھی نندن گرفتار ہوا تھا۔

 فروری میں ہی آئی ایس پی آر کی جانب سے بھارتی پائلٹ ابھی نندن کی ویڈیو جاری کی گئی تھی جس میں بھارتی پا ئلٹ نے  پاک فصائیہ کے رویے کو پیشہ وارانہ صلا حیت،اچھے رو یے اور  پاکستان کی چائے کو عمدہ قرار دیا تھا۔