چیئر مین ایف بی آر شبر زیدی کا کہنا ہے کہ اب وقت آگیا ہے کہ ہم اپنے پیروں پر کھڑے ہوں۔ ملکی معاشی صورتحال سے ہمیں نمٹنا ہوگا۔

کراچی میں مینجمنٹ ایسوسی ایشن آف پاکستان میں منعقدہ  سیمینار سے خطاب میں چئیرمین ایف بی آر شبر زیدی  نے کہا کہ ٹیکس اداکرنیوالے کو اجازت ہے کہ وہ فارن کرنسی اکاؤنٹ کھول سکتے  ہیں۔ 120ارب ڈالررکی خطیر رقم بیرونِ ملک غیر قانونی طریقے سے رکھی گئی ہے۔

شبر زیدی نے کہا کہ ٹیکس ادا کرنیوالے شہریوں کوپیسوں کی منتقلی میں سہولت ہونی چاہیے۔ بدقسمتی سے ماضی میں ایسا کوئی نظام نہیں تھا جس میں کوئی شخص رقم کا بڑا حصہ اندرون اوربیرون ملک قانونی طریقے سے بھیج سکے۔

انہوں نے کہا کہ جو بھی شہری سیلز ٹیکس ادا کرتا ہے تو اسکی پکی رسید ضرور حاصل کریں۔ سیلزٹیکس بنیای طور پر سرکاری رقم ہوتی ہے۔ٹیکس ریفارم اور انکی ادائیگی میں مشکلات کو دور کیا جائے گا۔ میری ذاتی رائے یہ ہے کہ جو لوگ ٹیکس ادا  کر کے بیرون ملک جاتے ہیں انکےلئے آسانیاں پیدا کی جائیں۔ 40سالوں سے معشیت دستاویزی نہیں ہے، اب معیشیت کو دستاویزی بنارہے ہیں۔

انہوں نے کہاکہ انکم ٹیکس فائلر کی تعداد 25لاکھ  سے تجاوز کرگئی ہے۔انکم ٹیکس گوشوارے داخل کرنے کے مرحلے کو مزید آسان کررہے ہیں۔

ٹیکس گوشوارے کی مانٹیرنگ کیلئے سافٹ وئیر لانچ کردیاہے۔ جو ٹیکس دہندگان پر عائد سیلز ٹیکس اورفیڈرل ایکسائز ڈیوٹی کا تعین کرے گا۔