سینیٹ اجلاس، آئی لینڈ اتھارٹی آرڈیننس پر اپوزیشن کا احتجاج

ثمرا مظہر

29th Oct, 2020. 03:10 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سینیٹ اجلاس، آئی لینڈ اتھارٹی آرڈیننس پر اپوزیشن کا احتجاج

سینیٹ اجلاس میں آئی لینڈ اتھارٹی آرڈیننس سے متعلق سوال پر اپوزیشن کی جانب سے شدید بحث کی گئی۔

تفصیلات کے مطابق سینیٹ اجلاس کے دوران اپوزیشن جماعتیں سراپا احتجاج ہوگئیں اور آئی لینڈ آرڈینس پر حکومتی اقدامات کیخلاف سوال کھڑے کردیے۔

اس موقع پر پاکستان پیپلز پارٹی کے سینیٹر بہرامند تنگی نے کہا کہ صوبوں کی ملکیت پر آرڈیننس کے ذریعے قبضہ کرنا غیر آئینی ہے اور نامنظور ہے۔

انہوں نے کہا کہ آرڈیننس فیکٹری سے رات کے اندھیرے میں کس طرح آرڈیننس جاری کرکے قبضہ کیا جا سکتا ہے؟ یہ معاملہ بات چیت اور پارلیمان میں تذکرے سے ہی حل ہوسکتا۔

اس موقع پر حکومتی ارکان نے اپوزیشن کو بھرپور جواب دیا، وفاقی وزیرِ بحری امور علی زیدی نے کہا کہ آرڈیننس کا معاملہ سپریم کورٹ میں زیرِ سماعت ہے، اب اس پر انتظار کرنا چاہیئے۔

فاقی وزیرِ اطلاعات و نشریات سینیٹر شبلی فراز نے جواب دیتے ہوئے کہا اپوزیشن ایسا بیانیہ لے کر چلتی ہے، ان کا ضمیر جگانا چاہتا ہوں۔

تاہم ڈپٹی چیئرمین سینیٹ سلیم مانڈوی والا نے شبلی فراز کو بیان دینے سے روک دیا اور کہا کہ ایجنڈا مکمل ہونے کے بعد آپ بیان دے سکتے ہیں۔