تین ایک روزہ میچوں کی سیریز کے پہلے میچ میں پاکستان نے زمبابوے کو جیت کے لیے 282 رنز کا ہدف دیا ہے۔

تفصیلات کے مطابق راولپنڈی کے پنڈی اسٹیڈیم میں کھیلے جانے والے میچ میں پاکستان کے کپتان بابراعظم نے ٹاس جیت کر پہلے خود بیٹنگ کا فیصلہ کیا۔

پاکستان نے مقررہ اوورز میں 8وکٹوں پر 281رنز بنائے، عابد علی اور امام الحق نے اننگ کا آغاز کیا۔

پاکستان کی پہلی وکٹ47رنز پر گری، عابد علی 21رنزبناکر آؤٹ ہوئے، زمبابوے بولر کارل ممبا نے عابد علی کو پولین کی راہ دکھائی۔

Advertisement

Pakistan set Zimbabwe a target of 282 runs!

Live Updates: https://t.co/W7mvyit6IA
WATCH #PAKvZIM ➡ https://t.co/TFQynkDyzy#HarHaalMainCricket https://t.co/YElQPci4Kr pic.twitter.com/VO1zp3zcEX

— Pakistan Cricket (@TheRealPCB) October 30, 2020

کپتان بابراعظم 19 رنز بنا کر موزربانی کا شکار بنے۔

امام الحق 58 رنز کی ذمےدارانہ اننگ کھیل کر رن آؤٹ ہوئے۔

 پاکستان کی چوتھی وکٹ161رنزپرگری، محمد رضوان14رنز بناکرآؤٹ ہوئے، حارث سہیل نے زمبابوے کے خلاف نصف سنچری اسکور کی۔

فہیم اشرف اور عماد وسیم کی جانب سے آخری اوورز میں برق رفتار اننگز کھیلی گئی اور دونوں کھلاڑیوں نے بالترتیب 23 اور 34 رنز جوڑے جس کی بدولت پاکستان نے مقررہ 50 اوورز میں 8 وکٹوں کے نقصان پر 281 رنز بنا لیے۔