وفاقی حکومت کی جانب سے ایڈیشنل آئی جی، ڈی آئی جیز اور ایس ایس پی سمیت 15 سینئر پولیس افسران کی تقرریوں و تبادلوں کا نوٹیفکیشن جاری کر دیا گیا۔
اسٹیبلشمنٹ ڈویژن کی جانب سے جاری نوٹیفیکشن کے مطابق ایڈیشنل آئی جی بی اے ناصر سینئر جوائنٹ کو سیکرٹری ریلوے تعینات کر دیا گیا جب کہ ڈی آئی جی بلال صدیق کمیانہ، ڈی آئی جی ذوالفقار حمید، ڈی آئی جی محمد سعید، ایس ایس پی ذیشان اصغر اور اختر حیات کی خدمات حکومت بلوچستان کے سپرد کر دی گئیں۔
ڈی آئی جی رائے بابر سعید، ڈی آئی جی شوکت عباس، ڈی آئی جی ہمایوں بشیر تارڑ اور ایس ایس پی لیاقت علی ملک کی خدمات خیبر پختونخوا حکومت کو دے دی گئیں۔
ڈی آئی جی اخترعباس کو جوائنٹ سیکرٹری ہیومن رائٹس، ڈی آئی جی منصور الحق رانا کو ڈپٹی سیکرٹری اسٹیٹ اینڈ فرنٹیر ریجن تعینات کر دیا گیا ہے۔ اس کے علاوہ ڈی آئی جی ایف سی عبدالجبار کو اسٹیبلشمنٹ ڈویژن رپورٹ کرنے کی ہدایت کی گئی ہے۔
دوسری جانب پولیس گریڈ 18 کے افسر محمد انکسار خان افغان کی خدمات فرنٹیئر کور (ایف سی) اور کیپٹن ریٹائرڈ طاہر ایوب کی خدمات فیڈرل انویسٹی گیشن ایجنسی کو دے دی گئیں ۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
