چیئرمین پاک چائنا اکنامک کوریڈور (سی پیک) اتھارٹی عاصم سلیم باجوہ سے نئے چینی سفیر نونگ رونگ نے ملاقات کی ہے۔
تفصیلات کے مطابق چینی سفارت خانے کا کہناہے کہ عاصم سلیم باجوہ اور نونگ رونگ کی ملاقات میں دونوں ممالک کے درمیان تعلقات اور سی پیک کی تعمیر سے متعلق امور پر گفتگو ہوئی۔
اس موقع پرعاصم باجوہ نے چینی سفیر کی پاکستان میں تعیناتی کا خیرمقدم کیا اور کہا کہ پاکستان اور چین کے درمیان دوستی وقت کے ساتھ مضبوط ہورہی ہے۔
انہوں نے کہا کہ سی پیک پاکستان کی تقدیر بدلنے کے لئے اہم منصوبہ ہے، سی پیک کوحکومت اور عوام کی بھرپورحمایت حاصل ہے، سی پیک اتھارٹی راہداری منصوبے کے لئے ون اسٹاپ سروس کی فراہمی کے لئے پرعزم ہے۔
عاصم باجوہ کا کہنا تھا کہ ہم چین کے ساتھ مواصلات اور ہم آہنگی کو مزید تقویت دینے کیلئے پرعزم ہیں۔
Advertisement
اس موقع پرچینی سفیر کا کہناتھا کہ سی پیک کی تعمیر کے مسلسل مثبت نتائج آرہے ہیں، سی پیک منصوبہ دونوں ملکوں کے درمیان تعاون کا پائلٹ پراجیکٹ ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
