لڑکی سے زبردستی شادی، مذہب تبدیلی پر 5 ملزمان کے وارنٹ جاری

ثمرا مظہر

11th Nov, 2020. 10:06 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

لڑکی سے زبردستی شادی، مذہب تبدیلی پر 5 ملزمان کے وارنٹ جاری

کم عمر لڑکی سے شادی اور زبردستی مذہب تبدیل کروانے کے کیس میں عدالت نے شوہر سمیت 5 ملزمان کے ناقابل ضمانت وارنٹ گرفتاری جاری کردیے۔

تفصیلات کے مطابق جوڈیشل مجسٹریٹ غربی کی عدالت میں کم عمر نیہا سے زبردستی مذہب تبدیل کرانے اور شادی سے متعلق کیس کی سماعت ہوئی۔

عدالت نے نیہا سے شادی کرنے والے ملزم سمیت 5 دیگر ملزمان کے ایک مرتبہ پھر ناقابل ضمانت وارنٹ گرفتاری جاری کردیے اور ملزمان کو گرفتار کر کے 15 نومبر تک عدالت میں پیش کرنے کا حکم دیا ہے۔

ملزمان میں نیہا سے زبردستی شادی کرنے والا ملزم عمران شامل ہے جب کہ دیگر ملزمان میں ریحان، مفتی احمد، جانن رحیمی، مسمات عذرا اور سندس شامل ہیں۔

یاد رہے کہ نیہا کے اغواء اور زیادتی کا مقدمہ 2019 میں اتحاد ٹاؤن تھانے میں درج ہوا تھا،13 سالہ نیہا نے عدالت کےروبرو پیش ہوکر اسلام قبول کرنے سے انکار کر دیا تھا ۔