پاکستان سپر لیگ (پی ایس ایل) فائیو کے پلے آف میچز کے لیے سیکیورٹی پلان ترتیب دے دیا گیا ۔

تفصیلات کے مطابق   نیشنل اسٹیڈیم  سمیت تمام متعلقہ روٹس اور ہوٹلز  پر پولیس کی بھاری نفری کھلاڑیوں کی سیکیورٹی کے لیے موجود رہے گی ۔

کراچی پولیس کے 24 سینئر افسران سمیت 59 ڈی ایس پیز، 474 این جی اوز، 4275 ہیڈکانسٹیبل/کانسٹیبل، ریپڈ ریسپونس فورس کے 345 جوان اور اسپیشل سیکیورٹی یونٹ کے 1018 کمانڈوز تعینات کیے گئے ہیں۔

کراچی پولیس کے ترجمان کے مطابق نیشنل اسٹیڈیم کراچی اور ہوٹلز پر اسپیشل برانچ کے سادہ لباس اہلکاروں کی بڑی تعداد بھی سیکیورٹی  کے فرائض سر انجام دے رہی ہے۔

غیر معمولی حالات سے نمٹنے کیلئے اسپیشل سیکیورٹی یونٹ کی ٹیمیں ہمہ وقت فوری ریسپونس کے لیے تیار رہیں گی ۔

دوسری جانب ٹریفک پولیس نے پی ایس ایل فائیو میں شرکت  کے لیے آنے والے ملکی اور غیر ملکی کھلاڑیوں کی نیشنل اسٹیڈیم کی طرف آمد ورفت کے اوقات میں عوام کی سہولت کے لیے متبادل روٹس پلان پہلے ہی دے دیا ہے۔

کراچی کی روشنیوں کی بحالی  کے لیے پولیس نے بڑی قربانیاں دی ہیں۔ انٹرنیشنل کھلاڑیوں کی آمد شہر میں امن و امان کے قیام کی دلیل ہے۔

کراچی پولیس عوام کے تحفظ اور قانون کی بالا دستی  کے لیے ہر ممکن اقدامات اٹھا رہی ہے۔