وزیراعظم عمران خان نے کہا ہے کہ اس وقت حکومت کی تمام تر توجہ معاشی بہتری پر مرکوز ہے۔

تفصیلات کے مطابق وزیراعظم عمران خان کی زیر صدارت احساس کفالت پروگرام کی تیاری کے حوالے سے اجلاس  ہوا ہے جس میں وزیراعظم نے احساس کفالت پروگرام کو جلد از جلد حتمی شکل دینے کی ہدایت کردی ہے۔

وزیر اعظم عمران خان نے کفالت پروگرام سے مستفید ہونے والے افراد کی تعداد میں خاطر خواہ اضافہ کرنے کی منظوری دے دی۔

وزیر اعظم نے کفالت پروگرام سے سہولت حاصل کرنے والوں کی تعداد چھیالیس لاکھ سے بڑھا کر ستر لاکھ کرنے کی منظوری دے دی۔ pic.twitter.com/0QH1VBNa5c

Advertisement

— Prime Minister's Office, Pakistan (@PakPMO) November 14, 2020

اجلاس میں وزیراعظم کا کہنا تھا کہ کورونا کی وجہ سے پیدا ہونے والے حالات کا سب سے زیادہ بوجھ غریب عوام پر پڑ رہا ہے اور کورونا وباء کے پیش نظر شہریوں کی حفاظت اور معاشی سرگرمیوں میں استحکام و بڑھوتی دونوں مقصود ہیں۔

انہوں نے کہا کہ ضرورت اس امر کی ہے کہ احساس کے دائرہ کار میں ممکنہ حد تک توسیع کی جائے۔

اس سے متعلق اجلاس کے دوران وزیراعظم عمران خان نے کفالت پروگرام سے مستفید ہونے والے افراد کی تعداد میں خاطر خواہ اضافہ کی منظوری دے دی ہے تاہم کفالت پروگرام سے سہولت حاصل کرنے والوں کی تعداد چھیالیس لاکھ سے بڑھا کر ستر لاکھ کرنے کی منظوری دی گئی ہے۔

دوران اجلاس ڈاکٹر ثانیہ نشتر کا کہنا تھا کہ دنیا بھر میں کورونا وباء کی وجہ سے معاشرے کے کمزور طبقات کی مشکلارت میں اضافہ ہوا ہے اور دنیا بھر کے ممالک نے وباء کی پیش نظر عوامی فلاح کے لیے معاشی پیکیج دیے ہیں۔