امریکا، آریگون اور نیو میکسیکو میں دو ہفتوں کیلئے مکمل لاک ڈاؤن

ثمرا مظہر

15th Nov, 2020. 11:52 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

امریکا، آریگون اور نیو میکسیکو میں دو ہفتوں کیلئے مکمل لاک ڈاؤن

امریکا میں مہلک وبا کورونا وائرس کے تیزی سے بڑھتے کیسز کے پیش نظر ریاست آریگون اور نیومیکسیکو میں 14 روز کے لیے سخت لاک ڈاؤن نافذ کرتے ہوئے لوگوں کو گھروں میں رہنے کا حکم دے دیا گیا ہے۔

خبر ایجنسی کے مطابق گورنر نیو میکسیکو کا کہنا ہے کہ ہم زندگی اور موت کی صورتحال سے دوچار ہیں، اگر اب بھی درست عمل نہیں کیا تو جان بچنا مشکل ہے۔

گورنر نیو میکسیکو کا کہناتھا کہ ریاست میں لاک ڈاون کے دوران تمام دفاتر عوام کے لیے بند رہیں گے جبکہ اسٹورز، جم، میوزیم، پارلرز اور تھیٹرز دو ہفتوں کے لیے بند رہیں گے۔

انہوں نے یہ بھی کہا کہ ریسٹورینٹس اور بار کو صرف ٹیک اوے کی اجازت ہو گی اور چھ سے زیادہ افراد پر مشتمل اجتماع پر پابندی ہوگی۔

دوسری جانب ریاست کیلی فورنیا، آریگون اور واشنگٹن میں شہریوں کو غیر ضروری سفر نہ کرنے ہدایت کی ہے جب کہ نیو یارک، میری لینڈ، ورجینیا، منی سوٹا میں بھی کورونا وائرس کی وجہ سے پابندیاں عائد ہیں۔