بھارتی پولیس کے کشمیر سمیت جموں اوردہلی میں 22مقامات پر چھاپے

ثمرا مظہر

16th Nov, 2020. 02:44 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بھارتی پولیس کے کشمیر سمیت جموں اوردہلی میں 22مقامات پر چھاپے

غیر قانونی طور پر بھارت کے زیر قبضہ جموں و کشمیر میں بھارتی پولیس کی خفیہ ونگ سی آئی نے جنوبی کشمیرکے قصبے بجبہاڑہ میں کئی تاجروں کے گھروں اور دفاتر پر چھاپے مارے اور تلاشی کی کارروائیاں کیں۔

کشمیر میڈیا سروس کے مطابق جنوبی کشمیر میں بجبہاڑہ کے علاقے گوری ون زر پورہ میں اس اس وقت سنسنی پھیل گئی جب پولیس کی خفیہ ونگ سی آئی کے نے نام نہادٹیررفنڈنگ اورحوالہ لین دین کے سلسلے میں کئی تاجروں کے گھروں اور دفاتر پرچھاپے مارے اور تلاشی کی کارروائیاں عمل میں لائیں۔

تلاشی کارروائیوں کے دوران کئی افراد سے پوچھ گچھ بھی کی گئی اور دستاویزات اور بینک ڈرافٹس تحویل میں لیے گئے۔

سری نگر میں ذرائع کے مطابق مزیدکئی تاجروں ،سرکاری ملازمین اورسیاست دانوں کے گھروں پربھی چھاپے پڑ سکتے ہیں۔دریں اثنا بھارتی ذارئع ابلاغ نے بتایا کہ پولیس کی خفیہ ونگ نے وادی کشمیرکے متعدد علاقوں سمیت جموں اور دہلی میں 22 مقامات پر چھاپے مارے ہیں۔