محترمہ بے نظیر بھٹو اور سابق صدر پاکستان آصف علی زرداری کی صاحبزادی بختاور بھٹو نے کہا ہے کہ بدقسمتی سے منگنی کے کارڈز مقررہ وقت سے پہلے ہی لیک ہوگئے۔

انہوں نے مائیکرو بلاگنگ ویب سایٹ ٹوئٹر پر ایک پیغام جاری کرتے ہوئے کہا کہ  تمام لوگوں کی نیک خواہشات اور نیک تمناؤں کا بے حد شکریہ ادا کرتی ہوں۔

بختاور کا مزید کہنا تھا کہ بدقسمتی سے منگنی کے کارڈز باضابطہ طور پر بھیجے جانے والے شیڈول سے پہلے ہی لیک ہوگئے۔

بختاور نے مزید کہا کہ ان کی امریکا میں کسی بھی خاندان کے ساتھ بالکل کوئی وابستگی نہیں ہے، جس کا حوالہ بیشتر میڈیا کے ذریعے دیا جارہا ہے۔

https://twitter.com/BakhtawarBZ/status/1328605378721030145?s=20

انہوں نے اپنے ٹوئٹ کے آخر میں مزید لکھا کہ اُمید ہے اس سے تمام غلط معلومات ختم ہوجائیں گی اور اس کے ساتھ ہی انہوں نے پیپلز پارٹی کے آفیشل ٹوئٹر اکاؤنٹ کی جانب سے شیئر کیا جانے والا ایک اہم معلوماتی بیان بھی جاری کیا ہے۔

پیپلز پارٹی کی جانب سےجاری کردہ بیان میں کہا گیا ہے کہ بختاور بھٹو کی منگنی 27 نومبر کو محمود چوہدری سے ہوگی، محمود چوہدری یونس چوہدری اور ثریا چوہدری کے پانچ بچوں میں سب سے چھوٹے بیٹے ہیں۔

یونس چوہدری 1973 میں متحدہ عرب امارات آئےتھے جبکہ اُن کا تعلق لاہور سے ہے۔ یونس چوہدری تعمیرات اور ٹرانسپورٹ کے شعبے سے وابستہ ہوئے۔

محمود چوہدری اپنے والد کے کنسٹریکشن کے کاروبار سے وابستہ ہیں۔

یونس چوہدری کے سب سے چھوٹے بیٹے محمود چوہدری 27 جولائی 1988 کو ابو ظہبی میں پیدا ہوئے، انہوں نے ابتدائی تعلیم ابوظہبی اور اعلیٰ تعلیم برطانیہ سے حاصل کی۔