اسٹیٹ بینک آف پاکستان کا کہنا  ہے حقیقی  جی  ڈی پی مالی سال   20-2019 میں 0.4 فیصد سکڑ گئی ہے۔

تفصیلات کے مطابق  اسٹیٹ بینک  آف پاکستان  نے ملک کی معیشت کی کیفیت پر سالانہ رپورٹ برائے مالی سال 20-2019  جاری کردی ہے۔

مالی سال کےپہلے 9 ماہ کے دوران استحکام کی دشوار لیکن ضروری کوششوں کے بعد پاکستان  کی معیشت کووڈ 19 کی آمد کے موقعے پر مستحکم بحالی کی راہ پر چل نکلی تھی۔

 فروری 2020  تک پچھلے برسوں کی ناپائیدار معاشی پالیسیوں کے پیدا کردہ توازن ادائیگی کے عدیم النظیر بحران  سے جڑواں مالیاتی اور جاری کھاتے کے خساروں میں نمایاں کمی کے ذریعے مناسب طور پر نمٹا جاچکا تھا۔

مہنگائی میں کچھ اضافے کے باوجود بنیادی مہنگائی   بھی قدرے مستحکم رہی تھی۔  پاکستان میں وبا ءکے پھیلاؤ کو محدودکرنے میں واضح طور پر کامیاب ہوئے تھے۔

#SBP releases its Annual Report on “The State of #Pakistan’s Economy” for the year 2019-20. Click on the links below for the report and press release: https://t.co/WknIJ5pylohttps://t.co/NWoRjM6Ekn

— SBP (@StateBank_Pak) November 18, 2020

کورونا پر قابو پانے میں اشیا ءسازی، خردہ فروشی، ٹرانسپورٹ اور خریدوفروخت سے متعلق سرگرمیاں متاثر ہوئیں جس سے   پاکستان کی حقیقی جی  ڈی پی تخمینے کے مطابق مالی سال 2020 میں 0.4 فیصد سکڑ گئی جو   مالی سال 1952 کے بعد ملک کا منفی معاشی نمو کا پہلا تجربہ ہے۔

کووڈ 19 کے جواب میں کاروباری اداروں اور گھرانوں کو بھرپور پالیسی تعاون فراہم کیا  گیا۔ 14.8 ملین سے زائد گھرانے بنیادی ضروریات پوری کرنے کے لیے ہنگامی نقد رقوم  وصول کرنے میں کامیاب ہوئے۔

تیزی سے تبدیل ہوتی ہوئی صورتِ حال کا جائزہ لیا جاتا رہا اور تقریباً تین ماہ کے عرصے میں پالیسی ریٹ میں 625 بی پی ایس کٹوتی کی گئی۔

پاکستان میں کورونا کے بعد  ابھرتی ہوئی منڈیوں میں دوسری سب سے بڑی کٹوتی ہے۔