کورونا کیسز بڑھنے پرضلعی انتظامیہ نے راولپنڈی کے 5ہاٹ اسپاٹس کو کل سے 10دنوں کیلئے سیل کرنے کا اعلان کردیا۔

تفصیلات کے مطابق ہاٹ اسپاٹس میں سیکٹر سی فیز 1 ڈی ایچ اے، گلشن آباد ،اسٹریٹ 10حالی روڈ ، بلاک بی 4 علامہ اقبال اسٹریٹ مسلم ٹاؤن، نجی ہاوسنگ اسکیم کے فیز 3 کے علاقے بھی ہاٹ اسپاٹ میں شامل ہیں۔

ذرائع کے مطابق  19 سے 28 نومبر تک ان علاقوں میں اسمارٹ لاک ڈاون ہوگا۔

 اسمارٹ لاک ڈاؤن والے علاقوں میں ہر قسم کےاجتماعات پرپابندی ہوگی۔

مارکیٹس، شاپنگ مالز بند رہیں گے، ریسٹورنٹس، سرکاری و نجی دفاتر بند رہیں گے، پبلک ٹرا نسپورٹ کے ذر یعے آمدورفت بھی مکمل بند ر ہےگی۔

ضلعی انتطامیہ کے مطابق جنرل وکریانہ اسٹور، آٹا،چکی،پھل ،سبزی کی دکانیں کھلی رہیں گی۔

طبی سہو لیات کے مراکز، اسپتال، کلینکس، لیبارٹریز،میڈیکل اسٹورکھلےرہیں گے۔

اس کے علاوہ پیٹرول پمپس اورتندور صبح 9سے شام 7بجے تک کھلے ر ہیں گے۔

واضح رہے کہ کورونا کیسز بڑھنے پر لاہور کے مزید 12علاقوں میں اسمارٹ لاک ڈاؤن لگا دیا گیا۔

پولیس نےبیرئیر لگا کر علاقوں میں اسمارٹ لاک ڈاؤن لگا دیا ہے اور متعلقہ تھانے کی پولیس نے اسمارٹ لاک ڈاؤن پر مکمل عملدرآمد شروع کروا دیا ہے۔

ان علاقوں میں اضافی پولیس اہلکار تعینات کر دیے ہیں۔

جوہرٹاؤن ای ون، ای ٹو، ایف ون، ویلنشیاٹاؤن ایف ون بلاک،پیرا گون سٹی، جوہرٹاؤن کے بلاک ایف ٹو،جی ٹو،جی فور، جی فائیومیں اسمارٹ لاک ڈاؤن لگایا گیا ہے۔

بوائزہوسٹل نمبر11،سپرنٹنڈنٹ ہاؤس پنجاب یونیورسٹی، ڈی ایچ اےفیزفورسیکٹرایف ایف،سی سی،بی بی،اےاے، ڈی ایچ اے فیز 3 سیکٹرایکس ایکس ،فیز1سیکٹراین،بلاک اے،بی بھی لاک ڈاؤن والے علاقوں میں شامل ہیں۔

اسی طرح ایف سی سی گلبرگ4کےعلاقوں کواسمارٹ لاک نافذ کرکے پابندیوں پر عملدرآمد کروایا جارہا ہے اور اہل علاقہ کو احتیاطی تدابیر کے تحت بلاضرورت گھر سے باہر نہ نکلنے کی ہدایت کی گئی ہے۔