وفاقی وزیر شبلی فراز کا کہنا ہے کہ عدالتی احکامات کے بعد جلسوں کا انعقاد قانون کی دھجیاں اڑانے کے مترادف ہے۔

تفصیلات کے مطابق سماجی رابطے کی ویب سائٹ ٹوئٹر پر جاری اپنے پیغام میں وفاقی وزیر اطلاعات و نشریات شبلی فراز نے کہا کہ  ملکی اداروں کو بدنام اور معیشت تباہ کرنے والے مجرم اب عوام کی صحت اور روزگار کے درپے ہیں۔

ملکی اداروں کو بدنام اور معیشت تباہ کرنے والے مجرم اب عوام کی صحت اور روزگار کے درپے ہیں۔یہ اپنے غیر ذمہ دارانہ رویے سے عوامی صحت اور روزگار دونوں متاثر کرنا چاہتے ہیں۔ کرپشن کے کورونا سے عوام حساب لیں گے۔

— Senator Shibli Faraz (@shiblifaraz) November 22, 2020

شبلی فراز نے کہا کہ یہ اپنے غیر ذمہ دارانہ رویے سے عوامی صحت اور روزگار دونوں متاثر کرنا چاہتے ہیں، کرپشن کے کورونا سے عوام حساب لیں گے۔

عدالتی احکامات کے بعد جلسوں کا انعقاد قانون کی دھجیاں اڑانے کے مترادف ہے۔پیمرا کو ایسی غیر قانونی اور عوام کی صحت کے لیے خطرناک سرگرمی کو نشر کرنے کی اجازت نہیں دینی چاہیے ۔عوام کی صحت اور تحفظ ہماری اولین ترجیح ہے۔

— Senator Shibli Faraz (@shiblifaraz) November 22, 2020

وفاقی وزیر نے کہا کہ عدالتی احکامات کے بعد جلسوں کا انعقاد قانون کی دھجیاں اڑانے کے مترادف ہے، پیمرا کو ایسی غیر قانونی اور عوام کی صحت کے لیے خطرناک سرگرمی کو نشر کرنے کی اجازت نہیں دینی چاہیے۔

 شبلی فراز نے مزید کہاکہ عوام کی صحت اور تحفظ ہماری اولین ترجیح ہے۔

واضح رہےکہ وزیراعظم عمران خان کا کہنا ہے کہ پی ڈی ایم جلسے کرکےعوام کی زندگی خطرے میں ڈال رہی ہے۔

 سماجی  رابطے کی ویب سائٹ ٹوئٹر پر جاری اپنے پیغام میں وزیراعظم عمران خان نے کہا ہے کہ چھلے 15 دنوں میں وینٹیلیٹرزپرکورونا کےمریضوں کی تعدادمیں اضافہ ہواہے،پشاور میں وینٹیلیٹرپر جانےوالےمریضوں کی شرح 200فیصد رہی۔

Pakistan's second COVID 19 spike data is of concern: Increase in Covid patients on ventilators in last 15 days: Peshawar 200%, Multan 200%, Karachi 148%, Lahore 114%, Islamabad 65%. Multan & Isb Covid ventilators capacity utilisation 70%. Across the world there is a second spike

Advertisement

— Imran Khan (@ImranKhanPTI) November 22, 2020

انھوں نے اپنی ٹوئٹ میں لکھا کہ ملتان میں بھی وینٹی لیٹرپرجانیوالےمریضوں کی شرح 200فیصد رہی،کراچی 148،لاہور 114،اسلام آبادمیں 65فیصد مریض وینٹی لیٹر پر گئے۔

& complete lockdowns in most countries. In Pak, the PDM by continuing with jalsas is deliberately endangering lives & livelihoods bec if cases continue to rise at the rate we are seeing, we will be compelled to go into complete lockdown & PDM will be responsible for consequences

— Imran Khan (@ImranKhanPTI) November 22, 2020

وزیراعظم نے مزید کہا کہ پی ڈی ایم جلسے کرکےعوام کی زندگی خطرے میں ڈال رہی ہے،اگر کیسز میں اضافہ ہوتا رہا تو ہم مکمل طور پر لاک ڈاؤن میں جانے پر مجبور ہوجائیں گے اورنتائج کی ذمہ دار پی ڈی ایم ہوگی۔

Opposition is callously destroying people"s lives & livelihoods in their desperation to get an NRO. Let me make it clear: they can hold a million jalsas but will not get any NRO.

— Imran Khan (@ImranKhanPTI) November 22, 2020

انھوں نے کہا کہ اپوزیشن کا واحد ہدف این آراوہے، اپوزیشن این آر او حاصل کرنے میں ناکامی پرلوگوں کی زندگیاں اور معاش کو تباہ کررہی ہے، واضح کردوں کہ اپوزیشن دس لاکھ جلسےکرلے لیکن ان کو کوئی این آر او نہیں ملے گا۔

وزیراعظم نے کہا کہ میں ایسالاک ڈاؤن نہیں کرنا چاہتا جس سے ہماری معیشت کو نقصان پہنچے۔

I do not want to take measures like a lockdown that will start hurting our economy which at the moment is showing signs of a robust recovery. Unfortunately, the Opposition's only goal is NRO at whatever cost to the lives of people & the country's economy.

— Imran Khan (@ImranKhanPTI) November 22, 2020

یاد رہےکہ پاکستان ڈیمو کریٹک موومنٹ(پی ڈی ایم ) نے آج جلسے کے لئے پشاور میں پنڈال سجالیا ہے، حکومتی اجازت نہ ملنے کے باوجود جلسے کی تمام تیاریاں مکمل ہیں جبکہ  رہنماؤں نے جوشیلے خطاب کے لیے تقاریر تیار کرلیں۔

وزیراعظم عمران خان نے پاکستان ڈیموکریٹک موومنٹ کے رہنماؤں پر تنقید کرتے ہوئے گزشتہ روز کہا ہے کہ یہ وہی پی ڈی ایم ہے جو سخت لاک ڈاؤن چاہتی تھی، پہلے یہ حکومت پر تنقید کرتے تھے، اب لوگوں کی صحت کے ساتھ لاپروائی کا سیاسی کھیل کھیل رہے ہیں۔

وزیراعظم کا  مزید کہنا تھا کہ کورونا پر عدالتی فیصلے کی حکم عدولی کی جارہی ہے، جلسہ ایسے وقت کیا جارہا جب کورونا کیسز تیزی سے بڑھ رہے ہیں۔

علاوہ ازیں وفاقی وزیر اسد عمر نے بھی تنقید کرتے ہوئے کہا کہ جلسہ پی ڈی ایم کے دوغلے پن کی مثال ہے۔