قومی ٹیسٹ بیٹسمین سمیع اسلم نےپاکستان کرکٹ کو خیرباد کہہ کر امریکہ میں سکونت ا ختیار کرلی۔

تفصیلات کے مطابق قومی ٹیسٹ اوپنر سمیع اسلم مسلسل اچھی پرفارمنس کے باوجود ٹیم میں منتخب نہ کیے جانے پر پاکستان کرکٹ کو خیرباد کہہ کر امریکہ منتقل ہوگئے۔

https://twitter.com/Samiaslam999/status/1334350458568146944

سمیع اسلم نے پاکستان کی نمائندگی کرتے ہوئے 13 ٹیسٹ میچز میں 7 نصف سنچریز کی مدد سے 31.58 کی اوسط سے 758 رنز بنارکھے ہیں۔

انہوں نے اپنے فرسٹ کلاس کیریئر کے 76 میچز 14 سنچریز اور17 نصف سنچریز کی بدولت 38 کی اوسط سے 4594 رنز بنارکھے ہیں۔

Disappointed that I didn't get any chance to be in 35players for NZ tour and last UK tour,even after good last QeD 2019-20trophy, I was one of the most run makers, scored 864 runs(4 100's) average of 78,
dropped from the Test squad after not getting a game in my last UK tour 2018

— Sami Aslam (@Samiaslam999) November 11, 2020

سمیع اسلم نے گذشتہ ماہ ڈومیسٹ سیزن میں عمدہ کارکردگی کے باوجود دورہ نیوزی لینڈ کے لیے ٹیم میں منتخب نہ کیے جانے پر دلبرداشتہ ہوکر پاکستان کرکٹ کو خیرباد کہہ کر امریکہ چلے گئےتھے۔

ذرائع کا کہنا ہے کہ سمیع اسلم کا یو ایس اے کرکٹ بورڈ سے معاہدہ طے پاگیا ہے، امریکی کرکٹ بورڈ نے سمیع اسلم سے 3 برس کا کانٹریکٹ کیا ہے۔