قومی کرکٹ ٹیم کے کپتان اوراس وقت دنیا کے کامیاب ترین بلے بازوں میں شمار ہونے والے کھلاڑی بابر اعظم پر جنسی ہراسگی کا الزام لگانے والی خاتون پر مبینہ حملہ ہوا، خوش قسمتی سے وہ حملے میں محفوظ رہی۔

تفصیلات کے مطابق حامیزہ مختار نامی خاتون پر کاہنہ کے قریب حملہ ہوا، اتوار کو 8 بجے کے قریب حامیزہ کی گاڑی پر 2 نامعلوم موٹر سائیکل سواروں نے گولیاں چلائیں۔

حملہ آوروں نے حامیزہ کی گاڑی پر 4 فائر کیے۔

بابر اعظم پر الزام لگانے والی خاتون فائرنگ کے واقعے میں خوش قسمتی سے بچ گئی تاہم انھوں نے  خود پر قاتلانہ حملے کی درخواست تھانہ کاہنہ میں جمع کروا دی۔

یا د رہے کہ گزشتہ سماعت کے دوران لاہور کی مقامی عدالت نے قومی ٹیم کے کپتان  بابر اعظم اور ان کے اہل خانہ کو جنسی زیادتی کا الزام لگانے والی خاتون (حامیزہ) کو ہراساں کرنے سے روک دیا تھا۔

خاتون حامیزہ کی درخواست پر سماعت ایڈیشنل سیشن جج عابد رضا کی عدالت میں ہوئی تھی۔

متاثرہ خاتون ( حامیزہ) کی جانب سے عدالت کو بتایا گیا کہ بابراعظم کے خلاف الزامات کا کیس دائر کرنے کے بعد ان کے والد، بھائیوں اور پولیس کی جانب سے مقدمہ واپس لینے کے لیے دباؤ ڈالا جا رہا ہے۔

عدالت نے قومی کرکٹر اور ان کی فیملی کو خاتون حامیزہ  کو ہراساں کرنے سے روک دیا تھا۔

واقعے کا پس منظر

چند روز قبل لاہور پریس کلب میں پریس کانفرنس کرتے ہوئے حامیزہ نامی ایک خاتون نے بابر  اعظم پر الزامات عائد کرتے ہوئے کہا تھا کہ بابر مجھے کورٹ میرج کے بہانے گھر سے بھگاکر لے گیا اور مختلف جگہوں پر کرائے کے مکانوں پر رکھتا رہا۔

پریس کا نفرنس کے دوران حامیزہ نامی لڑکی نے دعویٰ کیا کہ میرے ساتھ زیادتی کرنے والا کوئی عام شخص نہیں بلکہ بابر اعظم ہے جو اس وقت پاکستانی ٹیم کا کپتان ہے

خاتون نے الزامات عا ئد کر تے ہو ئے کہا کہ قومی کرکٹر بابر اعظم اور میں ایک ہی محلے میں رہتے تھے ایک ہی ساتھ بڑے ہوئے، وہ میرا اسکول فیلو تھا ،جس کی وجہ سے ہم دونوں کی بہت اچھی دوستی تھی۔

مزید پڑھیں

بابر اعظم پر الزامات لگانے والی خاتون مشکل میں پھنس گئی

قومی کرکٹ ٹیم کے کپتان بابر اعظم پر الزامات لگانے والی خاتون...

خاتون کا کہنا تھا کہ بابر اعظم سے میرا تعلق اس وقت کا ہے جب بابر کرکٹ نے کرکٹ کی دنیا میں قدم نہیں رکھا تھا اور بابر ایک غریب گھرانے سے تعلق رکھتا تھا۔

متاثرہ خاتون کے مطابق جب انھوں نے بابر سے شادی پر اصرار کیا تو بابر نے جواب دیا کہ حالات ٹھیک نہیں ہیں، تھوڑا وقت گزر جائے تو ہم شادی کر لیں گے۔

پریس کانفرنس کے دوران حامیزہ کے وکیل کا کہنا تھا کہ  سی سی پی او لاہور کے پاس ایف آئی آر کی درخواست دی گئی لیکن کوئی ایکشن نہ ہونے پر اب وہ درخواست سیشن کورٹ میں زیر سماعت ہے ، جس کی سماعت 4 دسمبر کو ہو گی جب کہ جنسی ہراساں کرنے کے کیس پر سماعت 5 دسمبر کو ہو گی۔

 دوسری جانب  حامیزہ خاتون کے الزامات پر پی سی بی کے ڈائریکٹر میڈیا سمیع الحسن کا کہنا ہے کہ  یہ بابر کا نجی معاملہ ہے، ہم اس پر کوئی تبصرہ نہیں کر سکتے