رواں سال کا آخری مکمل سورج گرہن آج ہوگا

شبین رضا

14th Dec, 2020. 11:06 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

رواں سال کا آخری مکمل سورج گرہن آج ہوگا

محکمہ موسمیات کے مطابق رواں سال کا آخری سورج گرہن آج ہوگا۔

آج ہونے والا سورج گرہن مکمل سورج گرہن ہوگا تاہم پاکستان میں اس کو بالکل بھی نہیں دیکھا جاسکے گا۔

سورج گرہن سب سے پہلے جنوبی امریکی ملک چلی اور ارجنٹینا میں دکھائی دے گا جہاں یہ مکمل گرہن ہوگا۔

رپورٹ کے مطابق 24 منٹ میں چاند سورج کے سامنے سے گزرے گا اور اسے تقریبا 2 منٹ اور 10سیکنڈ کے لیے مکمل طور پر چھپا دے گااور اس دوران ان ممالک میں دن کے وقت بھی اندھیرا چھاجائے گا۔

پاکستانی وقت کے مطابق سورج گرہن شام 6 بجکر34 منٹ پر شروع ہوگا اور رات 11بج کر 53 منٹ پر اختتام پذیرہوگا۔

مکمل سورج گرہن کے متعلق ماہرین فلکیات کا کہنا ہے کہ یہ اس وقت لگتا ہے جب چاند سورج کو پوری طرح سے ڈھانپ لیتا ہے۔

رواں سال 10 جنوری،5 جون، 4 جولائی اور30 نمبر کو چاند گرہن ہوا تھا۔

سال2020 میں پہلا سورج گرہن21 جون کو ہوا اور دوسرا آج14 دسمبر کو لگے گا۔

واضح رہےکہ سال2021 اکیس کا پہلا چاند گرہن 26 مئی اور سورج گرہن دس جون 2021 کو لگے گا۔