بھارتی فوج کی ایل او سی پر بلا اشتعال فائرنگ، ایک شخص شدید زخمی

ثمرا مظہر

14th Dec, 2020. 12:06 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بھارتی فوج کی ایل او سی پر بلا اشتعال فائرنگ، ایک شخص شدید زخمی

بھارتی فوج کی لائن آف کنٹرول (ایل او سی) پر بلا اشتعال فائرنگ سے ایک شخص شدید زخمی ہوگیا۔

پاک فوج کے شعبہ تعلقات عامہ (آئی ایس پی آر) کے مطابق بھارتی فوج نے دانستہ طور پر چری کوٹ سیکٹر پر فائرنگ کی اور سویلین آبادی کو نشانہ بنایا۔

آئی ایس پی آر کے مطابق بھارتی فوج کی فائرنگ سے 45 سالہ شخص شدید زخمی ہوگیا جسے مقامی اسپتال منتقل کیا گیا جہاں اسے طبی امداد دی جارہی ہے۔

خیال رہے کہ بھارت رواں سال 2800 سے زائد مرتبہ سیز فائر معاہدے کی خلاف ورزی کرچکا ہے جس سے درجنوں معصوم شہری شہید جبکہ 250 سے زائد زخمی ہوئے ہیں۔

دفتر خارجہ کا کہناہے کہ بھارت کا معصوم شہریوں کو جان بوجھ کر نشانہ بنانا قابل مذمت اور 2003 کےجنگ بندی انتظام کی خلاف ورزی ہے۔

دفتر خارجہ کے مطابق بھارت کی اشتعال انگیزی خطے میں امن و سلامتی کے لیے خطرہ ہے اور وہ ان حرکتوں سے مقبوضہ کشمیر کی صورتحال سے دنیا کی توجہ نہیں ہٹا سکتا۔